ৰাছিয়াই যিকোনো সময়ত ইউক্ৰেইনত আক্ৰমণ চলোৱাৰ বাবে সাজু হৈ আছে। সম্পৰ্ণ এক যুদ্ধ সদৃশ পৰিস্থিতিয়ে বিৰাজ কৰিছে দেশ দুখনৰ সীমান্তত।
এনে আশংকাৰ মাজতে আমেৰিকা যুক্তৰাষ্ট্ৰই সকীয়াই দিছে ৰাছিয়ান। শনিবাৰে ৰাছিয়াৰ ৰাষ্ট্ৰপতি ভ্লাডিমিৰ পুতিক ফোন কৰি আমেৰিকা যুক্তৰাষ্ট্ৰ ৰাষ্ট্ৰপতি জো বিডেনে সকীয়াই দিয়ে।
বিডেনে সকীয়াই দি কয় যে ইউক্ৰেইনত আক্ৰমণ চলালেই ৰাছিয়াই ইয়াৰ চৰম মূল্য ভৰিব লাগিব। হোৱাইট হাউছৰ এক বিবৃতিত এই কথা সদৰী কৰা হৈছে।
লগতে পঢ়ক: হিমন্ত বিশ্ব শৰ্মাক অপসাৰণ কৰিবলৈ প্ৰধানমন্ত্ৰী মোদীক দাবী জনালে তেলেংগানাৰ মুখ্যমন্ত্ৰীয়ে
বাতৰি অনুসৰি, শনিবাৰে ভিডিঅ’ কলত বিডেনে পুতিনৰ সৈতে কথা পাতে। প্ৰায় এঘন্টা ধৰি চলা বাৰ্তালাপত বিডেনে কয় যে ৰাছিয়াৰ সামৰিক আগ্ৰাসনৰ ফলত ইউক্ৰেইনত বৃহৎ মানৱিক সংকটে দেখা দিব পাৰে।
তেওঁ কয় যে ইয়াৰ বাবে ৰাছিয়াৰ হ্ৰহণযোগ্যতা প্ৰশ্নৰ সন্মুখীন হ’ব পাৰে। তদুপৰি, আক্ৰমণ চলালে আমেৰিকা যুক্তৰাষ্ট্ৰ আৰু ইয়াৰ মিত্ৰ দেশসমূহে ইয়াৰ যোগ্য প্ৰত্যুত্তৰ দিব। ৰাছিয়াই ইয়াৰ বাবে চৰম মূল্য ভৰিব লাগিব।
