সংখ্যাগৰিষ্ঠতা পালেই গৃহীত কৰা হ’ব নাগৰিকত্ব বিধেয়ক, ৰাজ্যসভাত বিধেয়কখন বুধবাৰে উত্থাপিত নোহোৱাক লৈ সমগ্ৰ উত্তৰ-পূবত চলিত চৰ্চাৰ মাজতে এই মন্তব্য বিজেপি নেতা হিমন্ত বিশ্ব শৰ্মাৰ।
“সংসদত ৰাজ্যসভাতটো আমাৰ মে’জৰিতি নাই। যেতিয়া যেনেকে মে’জৰিতি হ’ব, তেনেকে বিলখন পাছ হ’ব বা বিলখনক স্থায়িত্ব দিবই লাগিব,” সংবাদমাধ্যমত শৰ্মাৰ মন্তব্য।
বিধেয়কে আইনৰ ৰূপ নাপালে ’২১ চনত বাংলাদেশী মুছলমানে অসম দখল কৰিব বুলি মন্তব্য কৰি বিতৰ্কিত বিধেয়কখনৰ প্ৰতি নিজৰ লগতে দলৰ “অকুণ্ঠ” সমৰ্থন আছে বুলি দোহাৰে শৰ্মাই।
“নহ’লেটো অসমত ’২১ চনত সমগ্ৰ অসম বাংলাদেশী মুছলমানে দখল কৰিব। আমাৰ কোনো লুকুৱা চুকুৱা কথা নাই। আমি জানো যদি এই বিলখন গ্ৰহণ নহয়, নামনি আৰু মধ্য অসমৰ ১৭খন আসন বাংলাদেশী মুছলমানে দখল কৰিব,” শৰ্মাৰ মন্তব্য।