টীয়কৰ ৰাজপথত বিজেপি কৰ্মীয়ে ৰঞ্জিত দাস হুচিয়াৰ, হিমন্ত বিশ্ব মুৰ্দাবাদ ধ্বনিৰে উত্তাল প্ৰতিবাদ সাৱ্যস্ত কৰা দেখা গ’ল ৷
উল্লেখযোগ্য যে অসম গণ পৰিষদৰ অধীনত থকা টীয়ক বিধান সভা সমষ্টিটো এইবাৰ বিজেপিয়ে অসম গণ পৰিষদক কোনো কাৰনত এৰি নিদিয়াৰ হুংকাৰ দি আহিছিল।
ইয়াৰ মাজতে শেহতীয়াভাৱে বিভিন্ন সংবাদ মাধ্যমত সমষ্টিটো পুনৰ অসম গণ পৰিষদক এৰি দিয়া আৰু শ্যামকানু মহন্তক প্ৰাৰ্থী হিচাপে প্ৰক্ষেপ কৰা কথা প্ৰকাশ হোৱাৰ লগে লগে ক্ষোভিত হৈ পৰে টীয়কৰ বিজেপি কৰ্মী সকল।
বিজেপিৰ কৰ্মীসকলে দলৰ শীৰ্ষ নেতৃত্বৰ বিৰুদ্ধে তীব্ৰ প্ৰতিবাদেৰে বৃহস্পতিবাৰে নিশা উত্তাল কৰে টীয়কৰ ৰাজপথ।
বিজেপি মিত্ৰজোঁটৰ নিৰ্বাচনত প্ৰতিদ্বন্দ্বিতা কৰিবলগীয়া প্ৰাৰ্থীসকলৰ চূড়ান্ত তালিকা এতিয়াও প্ৰকাশ পোৱা নাই যদিও বিভিন্ন মাধ্যমত প্ৰকাশ পোৱা সম্ভাৱ্য প্ৰাৰ্থীৰ তালিকাই ইতিমধ্যে বিজেপি আৰু অগপ দলৰ আভ্যন্তৰত তীব্ৰ অসন্তুষ্টিৰ সৃষ্টি কৰিছে।
