২০২১ বৰ্ষৰ প্ৰথমটো ৰবিবাৰ ৩ জানুৱাৰীত বগামাটিৰ বৰনদীত সংঘটিত হয় এক নাও দুৰ্ঘটনা। কথমপি ৰক্ষা পৰে প্ৰায় অৰ্ধ শতাধিক বনভোজকাৰী।
নৱবৰ্ষৰ আনন্দ উল্লাসৰ মাজতে ঘটে অথন্তৰ। বনভোজকাৰী দলৰ শিশু-পুৰুষ-মহিলাসহ যাত্ৰী হিচাপে থকা অৰ্ধ শতাধিক লোক কঢ়িওৱা এখন ডুবি যায় বৰনদীৰ বুকুত।
ঘটনাৰ বিৱৰণীৰ মতে নদীখনত নৌকা বিহাৰৰ আনন্দেৰেৰে ইপাৰ-সিপাৰ হ’বলৈ নৌকাত উঠিছিল যাত্ৰীসকল।
কিন্তু অধিক যাত্ৰী কঢ়িওৱাৰ বাবে সংঘটিত হয় এই নাও দূৰ্ঘটনাটো।
নাওচালকৰ দল এটাই পানীত জপিয়াই উদ্ধাৰ কৰে শিশুসহ পুৰুষ-মহিলা যাত্ৰীসকলক।
কথমপি প্ৰাণ ৰক্ষা পৰে বনভোজ খাবলৈ অহা অৰ্ধ শতাধিক যাত্ৰীৰ।
বৰনদীৰ বুকুত বহুতৰে হেৰাল মোবাইল ফোন, মানি বেগ আৰু বহু মূল্যৱান সামগ্ৰী।