ব্ৰিটিছ প্ৰধানমন্ত্ৰী বৰিছ জনছনে কিছু সময় পিছতে প্ৰধানমন্ত্ৰী পদৰ পৰা পদত্যাগৰ কথা ঘোষণা কৰাৰ সম্ভাৱনা আছে।
কনজাৰ্ভেটিভ পাৰ্টিৰ কেইবাগৰাকীও নেতাই জনছনৰ বিৰুদ্ধে কেলেংকাৰীৰ লগতে শাসনৰ বাবে উপযুক্ত নহয় বুলি অভিযোগ কৰি পদত্যাগ কৰাৰ পাছতে জনছনে এই সিদ্ধান্ত ল’বলৈ বাধ্য হৈছে।
উল্লেখ্য যে জনছনৰ বিৰোধিতাৰে মঙলবাৰৰ পৰা ৩ জন কেবিনেট মন্ত্ৰীসহ ৫০ জনতকৈও অধিক মন্ত্ৰীয়ে চৰকাৰ ত্যাগ কৰিছে।
যোৱা দুঘণ্টা সময়তো দুজন ৰাজ্যিক সচিবকে ধৰি আঠজন মন্ত্ৰীয়েও নিজৰ পদ ত্যাগ কৰিছে।
এনে পৰিস্থিতিত সম্পূৰ্ণ বিচ্ছিন্ন আৰু শক্তিহীন হৈ পৰা জনছনে এই বিৰোধিতাৰ ওচৰত নতি চিকাৰ কৰি আজি পদত্যাগ ঘোষণা কৰিবলৈ সাজু হৈছে বুলি এক বিশ্বস্ত সূত্ৰই প্ৰকাশ কৰিছে।
ইতিমধ্যে ডাউনিং ষ্ট্ৰীট কাৰ্যালয়ে বৰিছ জনছনে কিছু সময় পিছতে দেশবাসীক উদ্দেশ্যি এক বিবৃতি দিব বুলি সদৰি কৰিছিল।
অৱশ্যে প্ৰধানমন্ত্ৰী আসনৰ পৰা পদত্যাগ কৰিলেও এগৰাকী নতুন নেতা নিৰ্বাচিত নোহোৱা পৰ্যন্ত বৰিছ জনছনে প্ৰধানমন্ত্ৰীৰ দায়িত্ব চম্ভালি থাকিব।
