অসমত চলিছে কমিছনৰাজ, মিছা কথা কোৱা পৰিৱৰ্তনৰ চৰকাৰ। যেনেদৰে পৰিবৰ্তনৰ কথা কোৱা হৈছিল তেনেদৰে পৰিবৰ্তন হোৱা নাই। সেয়ে এইবাৰ অসমত হব আঞ্চলিক দলৰ চৰকাৰ।
এই মন্তব্য বি পি এফৰ নিৰ্বাচিত পৰিষদীয় সদস্য দনেশ্বৰ গয়াৰীৰ।
গয়াৰীয়ে কয় যে ৰাইজেও মিছা কথা কোৱা চৰকাৰৰ প্ৰত্যুত্তৰ দিবলৈ সাজু হৈছে। বি টি চি নিৰ্বাচনৰ ছেমিফাইনাল খেলত বি পি এফে ৰাইজৰ ভাল সঁহাৰি লাভ কৰিবলৈ সক্ষম হৈছে আৰু বিধানসভা নিৰ্বাচনৰ ফাইনাল খেলতো বি পি এফে বিজয়ী হোৱাটো নিশ্চিত।
আজি কোকৰাঝাৰ জিলা ক্ৰীড়া সন্থাৰ খেল পথাৰত অনুষ্ঠিত “আন্ত ক্লাৱ ভলীবল প্ৰতিযোগিতা” উদ্বোধন কৰি এইদৰে মন্তব্য কৰে দনেশ্বৰ গয়াৰীয়ে।
আজিৰ পৰা আৰম্ভ হোৱা আন্ত ক্লাৱ ভলীবল প্ৰতিযোগিতাৰ পৰাই শ্ৰেষ্ঠ খেলুৱৈ সকলক অহা ২৫ ফেব্ৰুৱাৰিৰ পৰা আৰম্ভ হবলগীয়া “আন্ত জিলা ভলীবল প্ৰতিযোগিতা”ত অংশগ্ৰহণ কৰিবলৈ সুযোগ দিয়া হ’ব বুলিও জনাই কোকৰাঝাৰ জিলাৰ ক্ৰীড়া সন্থাৰ পেট্ৰন তথা বি টি চিৰ পৰিষদীয় সদস্য দনেশ্বৰ গয়াৰীয়ে।
