বটদ্ৰৱা সমষ্টিৰ বিজেপিৰ বিধায়িকা আঙুৰলতা ডেকাক লৈ অশ্লীল মন্তব্য কৰি চৌপাশে সমালোচনাৰ সন্মুখিন হোৱা বিপিএফৰ বিধায়ক কমল সিং নাৰ্জাৰীয়ে অৱশেষত ক্ষমা বিচাৰে।
বিপিএফৰ বিধায়ক কমল সিং নাৰ্জাৰীয়ে ৰাজ্যুজুৰি সন্মুখিন হোৱা ক্ষোভৰ পাছতে বিধায়িকা আঙুৰলতা ডেকা আৰু মাতৃ সমাজৰ ওচৰত ক্ষমা বিচাৰি ভবিষ্যতে তেনেধৰণৰ মন্তব্য নকৰো বুলি উল্লেখ কৰে।
উল্লেখযোগ্য যে, ৫ ডিচেম্বৰত আঙুৰলতা ডেকাক উদ্দেশ্যি অশ্লীল মন্তব্য কৰিছিল বিপিএফৰ বিধায়ক গৰাকীয়ে।
বিপিএফৰ বিধায়ক গৰাকীৰ এনে মন্তব্যৰ পাছতে জাঙুৰ খাই উঠিছিল বিধায়িকা আঙুৰলতা ডেকাৰ লগতে বিজেপিৰ কৰ্মীসকল।
আঙুৰলতাই বিপিএফৰ বিধায়ক গৰাকীৰ বিপক্ষে আইনী ব্যৱস্থা গ্ৰহণ কৰা হ’ব বুলিও মত প্ৰকাশ কৰি নাৰ্জাৰীয়ে বিধানসভাৰ সদস্য পদৰ মৰ্যদা লাঘৱ কৰা বুলি কছিল।
আনহাতে, বিজেপিৰ নেতা-কৰ্মী সকলেও বিপিএফৰ বিধায়ক গৰাকীৰ এনে মন্তব্যই সমগ্ৰ নাৰী সমাজক অপমানিত কৰা বুলি উল্লেখ কৰাৰ লগতে আঙুৰলতা ডেকাৰৰ ওচৰত ৰাজহুৱা ক্ষমা বিচৰাৰ বাবে দাবী জনাইছিল।
চলিত বিটিচি নিৰ্বাচনত আঙুৰলতা ডেকাই বিভিন্ন স্থানত বিজেপিৰ প্ৰাৰ্থী সকলৰ হৈ প্ৰচাৰ অভিযানত চলাই আছে।