১০ টকীয়া ৩০ খন নোট গণনা কৰাত ব্যৰ্থ দৰা; বিয়া বাতিল কৰি দিলে কইনাই !

টকা গণনা কৰিব নোৱাৰিলে হ’বলগীয়া দৰাই। একমাত্ৰ সেইকাৰণে কইনাই বাতিল কৰিলে বিয়াখন। উত্তৰ প্ৰদেশৰ ফাৰুখাবাদ জিলাত এনে ধৰণৰ ঘটনাই সংঘটিত হৈছে। বিবাহ বাতিল হোৱাৰ পিছত দুয়োটা পক্ষৰ মাজত তুমুল কাজিয়াও হয়। খবৰ পোৱাৰ পিছতে আৰক্ষী ঘটনাস্থলীত উপস্থিত হয়। তেওঁলোকে দুয়োটা পক্ষৰ মাজৰ ঘটনাটো মীমাংসা কৰিবলৈ চেষ্টা কৰে। কিন্তু কইনা কোনো ধৰণে বিয়াত বহিবলৈ সন্মত নহ’ল। ফলত দৰা খালী হাতেৰে ঘূৰি আহিবলৈ বাধ্য হয়।

দৰাচলতে কি ঘটিছিল? জানিব পৰা মতে, দৰা মানসিকভাৱে ভাৰসাম্যহীন  বুলি পুৰোহিতজনে সন্দেহ কৰিছিল। তেওঁ কইনাৰ পৰিয়ালক সন্দেহৰ বিষয়ে কৈছিল। কইনাৰ পৰিয়ালে তেতিয়া সঁচাকৈয়ে দৰাটো মানসিকভাৱে সুস্থ হয়নে জানিবলৈ দৰাক পৰীক্ষা কৰাৰ সিদ্ধান্ত লয়।

লগতে পঢ়ক: Google-ৰ সুৰক্ষাত ডাঙৰ সুৰুঙা! দুই ভাৰতীয় হেকাৰে দেখুৱাই দি লাভ কৰিলে শকত ধনৰ পুৰস্কাৰ

ইয়াৰ বাবে তেওঁলোকে দৰাক ১০ টকীয়া ৩০ খন নোট গণনা কৰিবলৈ দিয়ে। কিন্তু দৰাটোৱে নোটবোৰ গণনা কৰাত বিফল হোৱাত কইনাৰ পৰিয়ালটো হতবাক হৈ পৰে। কইনাজনী তেতিয়া ৰভাতলীৰ পৰা উঠি যায়। তেওঁ পুনৰ বিয়াত বহিবলৈ সন্মত নহ’ল।

কইনাৰ ভায়েক মোহিতে কয়, “এজন নিকট আত্মীয়ই দৰাটো ঠিক কৰিছিল। তেওঁলোকে বিয়াৰ আগতে দৰাক দেখা নাছিল কিয়নো তেওঁলোকে আত্মীয়জনক বিশ্বাস কৰিছিল। কিন্তু বিবাহ অনুষ্ঠানত পুৰোহিতজনে দৰাৰ আচৰণৰ ওপৰত সন্দেহ কৰি আমাক এই বিষয়ে অৱগত কৰিছিল। সেইকাৰণে আমি দৰাটো স্বাভাৱিক হয় নে নাই জানিবলৈ তেওঁৰ ওপৰত এটা সহজ পৰীক্ষা কৰিছিলো।‘’

তেওঁ জানিবলৈ লগতে দি কয়, ‘’মই তেওঁক মুঠ ৩০ খন ১০ টকাৰ নোট গণনা কৰিবলৈ কৈছিলো। কিন্তু তেওঁ গণনা কৰিব নোৱাৰিলে। গতিকে মোৰ ভনীয়ে তেওঁক বিয়া কৰিবলৈ অস্বীকাৰ কৰিলে।‘’

লগতে পঢ়ক: ৰাজামৌলিৰ ‘RRR’ চাই মুগ্ধ কিংবদন্তি পৰিচালক জেমছ কেমেৰুন; দিলে হলিউডত ছবি নিৰ্মাণৰ প্ৰস্তাৱ!

ইপিনে, বিয়া বাতিল হোৱাৰ পিছত কইনা আৰু দৰাৰ পৰিয়ালৰ মাজত তুমুল কাজিয়া হয়। কিন্তু দৰাৰ পৰিয়ালে কইনা আৰু তেওঁৰ পৰিয়ালক বিয়াৰ বাবে সৈমান কৰিব নোৱাৰিলে। শেষত তেওঁলোকে খালী হাতেৰে ঘূৰি যাব লগা হয়।