এগৰাকী স্থায়ী উপাচাৰ্য নিযুক্তিৰ দাবীত বড়োলেণ্ড বিশ্ববিদ্যালয়ত চলি থকা অনৰ্দিষ্টকালীন ধৰ্মঘটে আজি ৬ দিনত ভৰি দিছে। বড়োলেণ্ড বিশ্ববিদ্যালয় ছাত্ৰ একতা সভাই বৰ্তমানৰ উপাচাৰ্য অধ্যাপক হেমন্ত কুমাৰ বৰুৱাৰ সলনি স্থায়ী উপাচাৰ্য নিযুক্তিৰ দাবীত এই অনিৰ্দিষ্টকালীন ধৰ্মঘটৰ ফলত বিশ্ববিদালযখনত পাঠদান ব্যাহত হৈছে।
বিগত ৬ দিনত বিশ্ববিদ্যালয়ত কোনো পাঠদান কাৰ্য অনুষ্ঠিত হোৱা নাই।
কালি কোকৰাঝাৰৰ উপায়ুক্ত, অতিৰিক্ত উপায়ুক্ত আৰু আৰক্ষী অধীক্ষকে বিশ্ববিদ্যালয়খন ভ্ৰমণ কৰি বিশ্ববিদ্যালয়খনৰ ছাত্ৰ একতা সভাক অৱগত কৰিছে যে ২৮ৰ পৰা ৩০ ছেপ্টেম্বৰৰ ভিতৰত এখন উচ্চ পৰ্যায়ৰ অনুসন্ধান কমিটীয়ে বিশ্ববিদ্যালয়খন ভ্ৰমণ কৰিব। উক্ত সময়ত বিশ্ববিদ্যালয়খনৰ ছাত্ৰ একতা সভাৰ বিষয়ববীয়াই তেওঁলোকৰ সৈতে বিষয়টো আলোচনা কৰিব পাৰিব।
বড়োলেণ্ড বিশ্ববিদ্যালয় ছাত্ৰ একতা সভাৰ সভাপতি স্বগমছাৰ বসুমতাৰীয়ে সংবাদ মাধ্যমৰ আগত সদৰি কৰিছে, ‘’ধৰ্মঘটে ৭ দিনত ভৰি দিয়া সত্তেও মুখ্য মন্ত্ৰী বা বিশ্ববিদ্যালয়খনৰ আচাৰ্য তথা অসমৰ ৰাজ্যপালগৰাকীয়ে কোনো পদক্ষেপ গ্ৰহণ কৰা নাই।‘’
তেওঁ আৰু জনাইছে যে আজি কোকৰাঝাৰৰ উপায়ুক্ত আৰু আৰক্ষী অধীক্ষকে তেওঁলোকৰ ধৰ্মঘটৰ স্থানত আহি ২৮ ৰ পৰা ৩০ ছেপ্টেম্বৰৰ ভিতৰত এটা অনুসন্ধান কমিটীৰ সঁজাতী দলে বিশ্ববিদ্যালয়খন ভ্ৰমণ কৰিব বুলি জনাইছে।
তেওঁ কৈছে, ‘‘অনুসন্ধান কমিটীয়ে বিশ্ববিদ্যালয়খন কিয় ভ্ৰমণ কৰিবলৈ আহিব সেয়া আমাৰ বোধগম্য হোৱা নাই। ইআমাৰ দাবীসমূহ পূৰণ কৰাৰ দায়িত্ব প্ৰথমতে অসমৰ মুখ্য মন্ত্ৰী আৰু অসমৰ ৰাজ্যপালৰহে। আমাৰ বিশ্ববিদ্যালয়খনৰ সমস্যাৰ স্থায়ী সমাধান আমাক লাগে। আমাৰ সন্দেহ ৰাজ্যপাল ততা বিশ্ববিদ্যালয়খনৰ উপাচাৰ্যগৰাকীয়ে অনুসন্ধান কমিটীক প্ৰেৰম কৰি আমাৰ অনিৰ্দিষ্টকালীন ধৰ্মঘট সমাপ্ত কৰিব বিচাৰিছে।‘’
বসুমতৰীয়ে আৰু কৈছে যে বৰ্তমানৰ উপাচাৰ্যগৰাকীয়ে অহা ৫ বছৰলৈকে তেওঁৰ কাৰ্যকাল সম্পূৰ্ণ কৰিবলৈ অপাৰগ। বসুমতাৰীয়ে শিক্ষাদান কৰা আৰু শিক্ষাদান নকৰা সকলো খালি পদ পূৰণ কৰাৰ বাবেও দাবী জনায়।
এগৰাকী ছাত্ৰই কৈছে যে বড়োলেণ্ড বিশ্ববিদ্যালয় ছাত্ৰ একতা সভাৰ দ্বাৰা আহ্বান জনোৱা অনিৰ্দিষ্টকালীন ধৰ্মঘটৰ ফলত পাঠদান বেয়াকৈ ক্ষতিগ্ৰস্ত হৈছে লগতে নৱাগত আদৰণি সভাৰ দিনো পিছুৱাইছে। তাৰোপৰি, ছিজনেল পৰীক্ষাও ্নুষ্ঠিত হোৱা নাই। সেয়েহে বিশ্ববিদ্যালয়খনৰ ছাত্ৰ-ছাত্ৰীসকলে অনতিপলমে সমস্যাটোৰ সমাধান কৰাটো বিচাৰিছে।
শিক্ষা প্ৰতিষ্ঠানটো আৰু ছাত্ৰসকলৰ বৃহত্তৰ স্বাৰ্থৰ প্ৰতি লক্ষ্য ৰাখি বৰ্তমানৰ সমস্যাটোৰ ওপৰত হস্তক্ষেপ কৰিবলৈ বড়োলেণ্ড বিশ্ববিদ্যালয় শিক্ষক সন্থাৰ সভাপতি ড০ জ্যোতিৰাজ পাঠক আৰু সভাপতি ৰুস্তম ব্ৰহ্মই মুখ্য মন্ত্ৰী আৰু ৰাজ্যপাললৈ আৱেদন জনাইছে।
