শিৱসাগৰ নগৰত কালি অৰ্থাৎ দেওবাৰে নিশা সংঘটিত এক চুৰিকাণ্ডত নগৰখনৰ মাজমজিয়াৰ দুখনকৈ মোবাইল দোকানৰ পৰা চোৰে লক্ষাধিক টকাৰ বিভিন্ন ব্ৰেণ্ডৰ দামী মোবাইলৰ লগতে নগদ ধন লুটি নিয়ে।
নগৰখনৰ মুক্তিনাথ চাৰি আলিত থকা শিৱম ইনফৰটেক নামৰ মোবাইলৰ দোকানখনত চোৰে চাটাৰ ভাঙি কেইবা লাখ টকাৰ বিভিন্ন ব্ৰেণ্ডৰ বহুকেইটা মোবাইল হেণ্ডচেটৰ লগতে কেছ বস্কত থকা টকাও লৈ যায় বুলি দোকানখনৰ স্বত্বধিকাৰী গৰাকীয়ে জানিবলৈ দিয়ে।
ঠিক একে ধৰণেই নগৰখনৰ হস্পিতেল ৰ’ডত থকা এষ্টৰ ট্ৰেড এণ্ড এজেঞ্চিৰ পৰাও চোৰে লক্ষাধিক টকাৰ বহুকেইটা মোবাইল হেণ্ডচেট চুৰি কৰি নিয়ে।
উল্লেখযোগ্য যে, স্মাৰ্ট চোৰে এষ্টাৰ ট্ৰেড এণ্ড এজেঞ্চিৰ পৰা চি চি টি ভিৰ সৈতে সংলগ্ন কম্পিউটাৰ হাৰ্ড ডিস্কখনো লৈ যায়। যাৰ ফলত ৰেকৰ্ড নহ’ল দোকানখনত সংঘতিত হোৱা চুৰি কাৰ্য্যৰ ঘটনা। আনহাতে শিৱম ইনফাৰটেকত চি চি চি ভি কেমেৰা সংযোগ নাছিল।
একে ৰাতিতে নগৰৰ মাজমজিয়াৰ দুখনকৈ দুকানত সংঘটিত চুৰি কার্য্যই শিৱসাগৰ আৰক্ষীৰ নিৰাপত্তাৰ দিশৰ ফোপোলা স্বৰূপ উদঙাই দিয়ে বুলি একাংশই মন্তব্য কৰিছে।
