এজন অভিযান্ত্ৰিক ছাত্ৰৰ ৰহস্যজনক মৃত্যুৰ সন্দৰ্ভত আইআইটি খড়গপুৰ কৰ্তৃপক্ষৰ ওপৰত ক্ষুব্ধ হৈ পৰিছে উচ্চ ন্যায়ালয়। ফেব্ৰুৱাৰীতেই ৰেগিঙৰ কথা জনোৱা হৈছিল। তাৰপিছতো মেনেজমেণ্ট আৰু ৱাৰ্ডেনসকলে কি কৰি আছিল সেয়া আদালতে জানিব বিচাৰে। আইআইটিৰ সঞ্চালকক প্ৰতিবেদন দাখিল কৰিবলৈ নিৰ্দেশ দিয়া হৈছে।
উল্লেখ্য যে ১৪ অক্টোবৰত আইত-খড়গপুৰ হোষ্টেলৰ এটা বন্ধ কোঠাত তৃতীয় বৰ্ষৰ মেকানিকেল ইঞ্জিনিয়াৰিঙৰ ছাত্ৰ অসমৰ ফাইজান আহমেদৰ মৃতদেহ উদ্ধাৰ হৈছিল। তাৰ দুসপ্তাহৰ পিছত কৰ্তৃপক্ষই এটা তদন্ত সমিতি গঠন কৰে।
লগতে পঢ়ক: মালদ্বীপত ভয়াৱহ অগ্নিকাণ্ডত ৯ জন ভাৰতীয়সহ নিহত ১০ জন লোক
বৃহস্পতিবাৰে গোচৰটোৰ শুনানিৰ সময়ত কলকাতা উচ্চ ন্যায়ালয়ৰ ন্যায়াধীশ ৰাজশেখৰ মান্থাই কয় যে এইটো আত্মহত্যা নে প্ৰৰোচিত আত্মহত্যা তাৰ তদন্ত কৰিব লাগিব। যদি ৰেগিঙৰ অভিযোগ প্ৰমাণিত হয় তেন্তে আদালতে এটা কঠোৰ সিদ্ধান্ত ল’ব।
বৃহস্পতিবাৰে পশ্চিম মেদিনীপুৰৰ আৰক্ষী অধীক্ষকে প্ৰতিবেদন দাখিল কৰিছিল। অতিৰিক্ত আৰক্ষী অধীক্ষকে সকলো দিশ চোৱা-চিতা কৰি ফাইজানৰ মৃত্যুৰ তদন্ত কৰিব।
ইপিনে, ন্যায়ধীশে কলকাতা এফএছএলৰ সঞ্চালকক ১৪ নৱেম্বৰৰ ভিতৰত ফাইজানৰ ভিচেৰা ৰিপ’ৰ্ট পশ্চিম মেদিনীপুৰৰ এছ পিলৈ প্ৰেৰণ কৰিবলৈ নিৰ্দেশ দিয়ে। ন্যায়াধীশ ৰাজশেখৰ মান্থাই ফেচবুককো সহায় কৰিবলৈ নিৰ্দেশ দিছে। গোচৰটোৰ পৰৱৰ্তী শুনানি অহা ২২ নৱেম্বৰত হ’ব। বৃহস্পতিবাৰে তদন্তকাৰী বিষয়াজনো আদালতত উপস্থিত আছিল।
লগতে পঢ়ক: “দুৰ্নীতিগ্ৰস্ত লোকে দেশ ধ্বংস কৰিছে, তেওঁলোকৰ বিৰুদ্ধে কোনো ব্যৱস্থা লোৱা নাই’’ : উচ্চতম ন্যায়ালয়
যোৱা ১৪ অক্টোবৰত আইআইটি খড়গপুৰৰ লালা লাজপত ৰায় হলৰ এটা কোঠাত তৃতীয় বৰ্ষৰ মেকানিকেল ইঞ্জিনিয়াৰিঙৰ ছাত্ৰ ফাইজান আহমেদৰ মৃতদেহ উৱলি যোৱা অৱস্থাত উদ্ধাৰ হৈছিল। তাৰপিছতে প্ৰশ্ন উঠিছিল যে এজন ছাত্ৰ মৃত অৱস্থাত হোষ্টেলত পৰি থাকিল, আৰু আনকি তেওঁৰ শৰীৰটো পচিবলৈ আৰম্ভ কৰিলে অথচ কোনেও এইটো গমেই নাপালে?
আৰক্ষীয়ে গোচৰটোৰ সন্দৰ্ভত ২০ জন লোকক সোধা-পোছা কৰিছে। তেওঁলোকৰ বেছিভাগেই শিক্ষাৰ্থী আৰু লগতে সুৰক্ষা কৰ্মী আৰু হোষ্টেলৰ কৰ্মচাৰীও আছে।
অসমৰ তিনিচুকীয়াৰ বাসিন্দা ফাইজানৰ পিতৃ-মাতৃয়ে পুত্ৰৰ মৃতদেহ সংগ্ৰহ কৰিবলৈ অহাৰ সময়ত অভিযোগ কৰিছিল যে তেওঁলোকৰ পুত্ৰক হত্যা কৰা হৈছে। ফাইজানৰ দেউতাক চেলিম আহমেদ আৰু মাতৃ ৰেহানা আহমেদে ৩১ অক্টোবৰত তেওঁৰ পুত্ৰৰ মৃত্যুৰ চিআইডি তদন্ত বিচাৰি উচ্চ ন্যায়ালয়ৰ কাষ চাপিছিল।
লগতে পঢ়ক: পঞ্জাৱত পুনৰ অঘটনঃ ৰাম ৰহিমৰ অনুগামীক গুলীয়াই হত্যা
উচ্চ ন্যায়ালয়ত দাখিল কৰা এখন আৱেদনত তেওঁলোকে কৈছিল যে ফাইজান তেওঁলোকৰ একমাত্ৰ সন্তান। তেওঁৰ কেনেকৈ মৃত্যু হৈছিল সেয়া অন্তত: চিআইডি, চিবিআই বা বিশেষ অনুসন্ধানকাৰী দলে তদন্ত কৰিব লাগে। কিয়নো তেওঁলোকৰ পুত্ৰৰ মৃত্যুৰ বহুতো প্ৰশ্নৰ উত্তৰ পোৱা হোৱা নাই। হয়তোবা তেওঁক হত্যাই কৰা হৈছিল।