বিজেপিৰ উদণ্ড বিধায়ক ডঃ অমিয় কুমাৰ ভূঞা জামিনবিহীন গোচৰত গ্ৰেপ্তাৰ হ’ব নে? উদণ্ড বিধায়ক অমিয় কুমাৰ ভূঞাক কাৰাগাৰত নিক্ষেপ কৰিবলৈ মুখ্যমন্ত্ৰীৰ সাহস হ’ব নে? আৰক্ষী বিষয়াক অপমান, কৰ্তব্যত বাধা প্ৰদান কৰা উদণ্ড বিজেপি বিধায়কে শাস্তি লাভ কৰিব নে?
নে আৰক্ষী বিষয়াক কৰ্তব্যত বাধা কৰা বিধায়কক মুখ্যমন্ত্ৰীয়ে পুৰষ্কৃতহে কৰিব? নে কৰ্তব্যৰত আৰক্ষীক বিষয়াক ভাবুকি দিয়া উদণ্ড বিধায়ক ভূঞাৰ দৰে আন আন বিধায়ককো এনে উদ্ভণ্ডালি কৰিবলৈ উৎসাহিত কৰিব?
এগৰাকী কৰ্তব্যৰত আৰক্ষী বিষয়াক বিজেপিৰ উদণ্ড বিধায়ক ডঃ অমিয় কুমাৰ ভূঞাই ভাবুকি দিয়াৰ পিছতে মুখ্যমন্ত্ৰীৰ প্ৰতি এইসমূহ প্ৰশ্নৰ উত্থাপন হৈছে।
লগতে পঢ়ক: চিবিআইয়ে গ্ৰেপ্তাৰ কৰিলে গেইলৰ সঞ্চালক ই এছ ৰংগনাথনক; উদ্ধাৰ নগদ ১.২৯ কোটি টকা
অপৰাধী তথা অভিযুক্তক সুৰক্ষা দিবলৈ বিহপুৰীয়াৰ বিজেপি বিধায়ক ডঃ অমিয় কুমাৰ ভুঞাই এগৰাকী আৰক্ষী উপ পৰিদৰ্শকক ভাবুকি দিয়াই নহয়। আৰক্ষী বিষয়াগৰাকীক কৰ্তব্য পালনতো বলপূৰ্বকভাৱে বাধা দিবলৈ চেষ্টা কৰাৰ অডিঅ’ ক্লীপ ভাইৰেল হৈছে।
এইদৰে এগৰাকী আৰক্ষী বিষয়াক নিজ কৰ্তব্যত বলপূৰ্বক বাধা প্ৰদান কৰিব পাৰি নে? এনেদৰে আৰক্ষী বিষয়াক কৰ্তব্যত বাধা প্ৰদানৰ বিৰুদ্ধে কি শাস্তিৰ বিধান আছে?
হয়, এনেদৰে চৰকাৰী বিষয়াৰ কৰ্তব্যত বলপূৰ্বকভাৱে বাধা প্ৰদান কৰিলে ভাৰতীয় দণ্ডবিধি আইনৰ অধীনত অভিযুক্তক শাস্তি প্ৰদানৰ বিধান আছে।
IPCৰ ৩৫৩ ধাৰাৰ অধীনত চৰকাৰী বিষয়াক বলপূৰ্বকভাৱে কৰ্তব্য পালনত বাধা প্ৰদান কৰা লোকৰ বিৰুদ্ধে শাস্তিমূলক ব্যৱস্থা ল’ব পাৰি।
লগতে পঢ়ক:ভোগালীৰ উছাহৰ মাজতে দুটাকৈ হত্যাকাণ্ডই জোকাৰি গৈছে ওদালগুৰি জিলাৰ কলাইগাঁও
IPCৰ ৩৫৩ৰ অধীনত চৰকাৰী বিষয়াক বলপূৰ্বকভাৱে কৰ্তব্য পালনত বাধা দিলে জৰিমনাসহ দুবছৰ কাৰাদণ্ড বিহাৰ বিধান আছে। ইমানেই নহয়, আনকি এই ধাৰাত অভিযুক্তক জামিনবিহীন গোচৰত গ্ৰেপ্তাৰ কৰিব পাৰি। অৰ্থাৎ চৰকাৰী বিষয়াক কৰ্তব্যত বাধা আৰোপ কৰাটো হৈছে এটা জামিন অযোগ্য অপৰাধ।
আনহাতে, IPCৰ ধাৰা ১৮৬ৰ অধীনতো তদ্ৰূপ কৰ্তব্যৰত চৰকাৰী কৰ্মচাৰীক বাধা প্ৰদান কৰি ৰাজহুৱা কৰ্তব্য সম্পাদনৰ বিৰত ৰাখিবলৈ চেষ্টা কৰিলে জৰিমনাসহ ৩ মাহৰ কাৰাবাস হ’ব পাৰে।
অডিঅ’টোত স্পষ্ট হৈছে যে এগৰাকী আৰক্ষী উপ পৰিদৰ্শকক কৰ্তব্য পালনত বলপূৰ্বকভাৱে বাধা প্ৰদান কৰিছে বিজেপিৰ বিধায়ক ডঃ অমিয় কুমাৰ ভূঞাই।
এগৰাকী কৰ্তব্যৰত আৰক্ষী বিষয়াক এইদৰে বলপূৰ্বক বাধা প্ৰদান কৰি বিধায়ক ভূঞাই দেখ দেখকৈ দণ্ডনীয় অপৰাধ কৰিছে। আইনী মতে এই অপৰাধৰ বাবে বিধায়ক ভূঞাক কাৰাৰুদ্ধ কৰিব লাগে!
লগতে পঢ়ক:অন্তিম টেষ্টত পৰাজিত ইংলেণ্ড, ৪-০ ব্যৱধানত এছেজ শৃংখলা জয় অষ্ট্ৰেলিয়াৰ
কিন্তু গৃহ বিভাগৰ দায়িত্বত থকা মুখ্যমন্ত্ৰী ডঃ হিমন্ত বিশ্ব শৰ্মাই উদণ্ড বিধায়ক ভুঞাক কাৰাগৰালৈ নিক্ষেপ কৰিব পাৰিব নে?
মুখ্যমন্ত্ৰীৰ গৃহ বিভাগে এইদৰে দণ্ডনীয় অপৰাধ কৰা বিধায়ক ভূঞাৰ বিৰুদ্ধে আইনী ব্যৱস্থা ল’ব পাৰিব নে?
উদণ্ড বিধায়ক মন্ত্ৰীৰ পৰা কৰ্তব্যৰত চৰকাৰী বিষয়াক আইনীভাৱে মুখ্যমন্ত্ৰীয়ে সুৰক্ষা প্ৰদান কৰিব পাৰিব নে?
এতিয়া ৰাইজ তথা সচেতন মহলে মুখ্যমন্ত্ৰীৰ পৰা এই প্ৰশ্নৰ উত্তৰেই বিচাৰিছে। এই প্ৰশ্নসমূহৰ মুখ্যমন্ত্ৰীয়ে কি উত্তৰ দিয়ে সেয়া লক্ষণীয় হ’ব।