ঘৰে ঘৰে গৈ ভেকচিন প্ৰদান কৰাৰ কথা বৰ্তমানলৈকে কেন্দ্ৰই ভবা নাই।
সমগ্ৰ প্ৰক্ৰিয়াটো অত্যন্ত জটিল।
কোভিড ভেকচিনক পলিঅ’ ভেকচিনৰ দৰে ভাবিলে নহ’ব।
এই কথা প্ৰকাশ কৰিছে প্ৰধানমন্ত্ৰী প্ৰিন্সিপাল চেক্ৰেটাৰী পি কে মিশ্ৰই।
সংবাদমাধ্যমক তেওঁ জনোৱামতে, ভেকচিন প্ৰদানৰ ক্ষেত্ৰত ভেকচিনৰ যোগান, স্থানীয় পৰিকাঠামো, চিকিৎসা আহিলা আৰু প্ৰশিক্ষিত স্বাস্থ্যকৰ্মীৰ বিষয়সমূহ নিশ্চিত কৰাটো অত্যন্ত গুৰুত্বপূৰ্ণ।
তাৰ উপৰিও ভেকচিন লোৱাৰ পাছত কোনো ব্যক্তিৰ শৰীৰত কি ধৰণৰ পাৰ্শ্বপ্ৰতিক্ৰিয়া দেখা পোৱা গৈছে, সেয়াও যথাযথভাৱে নথিভু্ক্ত কৰাৰ পৰিকাঠামোও প্ৰয়োজন।
পলিঅ’ ভেকচিনৰ ক্ষেত্ৰত এই প্ৰক্ৰিয়া সম্ভৱ হ’লেও কৰোণা ভেকচিনৰ ক্ষেত্ৰত নহয়।
তেওঁ কয় যে চলিত বৰ্ষৰ ভিতৰতে সকলো প্ৰাপ্তবয়স্ক লোকক ভেকচিন প্ৰদানৰ কথা কেন্দ্ৰই ভাবিছে।
দ্ৰুত ভেকচিন প্ৰদানৰ ক্ষেত্ৰত বিশ্বৰ ভিতৰত তৃতীয় স্থানত আছে ভাৰত।
এই পৰ্যন্ত ১৯ কোটি নাগৰিকক ভেকচিন প্ৰদান কৰা হৈছে, তেওঁ কয়।