চীনে সাগৰৰ ওপৰেৰে প্ৰথম তীব্ৰবেগী ৰে’ল সেৱা আৰম্ভ কৰিছে। যোৱা বৃহস্পতিবাৰে প্ৰথমবাৰৰ বাবে এই ৰে’লে ফুজিমাৰ ৰাজধানী ফুঝৌৰ পৰা স্থানীয় সময় অনুসৰি পুৱা ৯:১৫ বজাত যাত্ৰা আৰম্ভ কৰিছিল।
প্ৰদেশখনৰ ৰে’লৱে পৰিচালক চাইনা ৰেলৱেৰ তথ্য অনুসৰি এই পথত ৰে’লসমূহে ঘণ্টাত সৰ্বোচ্চ গতিবেগ ৩৫০ কিলোমিটাৰ (২১৭ মাইল প্ৰতি ঘণ্টা) লাভ কৰিব।
লগতে পঢ়কঃ বিতৰ্কিত মন্তব্য! মেনকা গান্ধীলৈ ১০০ কোটি টকাৰ মানহানিৰ জাননী প্ৰেৰণ কৰিলে ইস্কনে
শেহতীয়াকৈ দেশৰ দক্ষিণ-পূব উপকূলৰ কাষে কাষে ২৭৭ কিলোমিটাৰ (১৭২ মাইল) দৈৰ্ঘ্যৰ তীব্ৰবেগী ৰে’ল লাইন নিৰ্মাণ কৰিছে। এই ৰে’ল লাইনে চীনৰ ফুজিয়ান প্ৰদেশৰ জাংঝৌ, জিয়ামেন আৰু ফুজৌ চহৰক সংযোগ কৰে।
নতুন ৰে’ল লাইনত বৰ্তমান ৮৪ খন দলং আৰু ২৯ টা সুৰংগ আছে। এই ৰে’লপথৰ ২০ কিলোমিটাৰ (১২ মাইল) দৈৰ্ঘ্যৰ এটা অংশ সাগৰৰ ওপৰেৰে পাৰ হৈ গৈছিল; ফলত এই ৰে’ল সেৱাক চীনৰ প্ৰথমটো ‘অভাৰ-ৱাটাৰ বুলেট ট্ৰেইন সেৱা’ বুলি কোৱা হৈছে।
চীনা ৰে’লৱেই জনায় যে ৰে’ল সেৱাৰ আন্তঃগাঁথনি নিৰ্মাণৰ বাবে বুদ্ধিমান ৰবট আৰু পৰিৱেশ অনুকূল ক্ষয় প্ৰতিৰোধী তীখা ব্যৱহাৰ কৰিছে।
লগতে পঢ়কঃস্কুললৈ গৈ ‘ৰীলছ’ বনায় চৰকাৰী শিক্ষয়ত্ৰীয়ে; শিক্ষাৰ্থীয়ে কৰিব লাগে লাইক, কমেন্ট, শ্বেয়াৰ!
চীন চৰকাৰে ২০১৬ চনত এই ৰে’লপথ নিৰ্মাণৰ কথা ঘোষণা কৰিছিল। কিন্তু ফুজিয়ান প্ৰদেশ পাহাৰীয়া হোৱাৰ বাবে ইয়াত ৰে’লপথ নিৰ্মাণ যথেষ্ট প্ৰত্যাহ্বানজনক আছিল। এই সকলো বাধাৰ মাজতো চীনে সাগৰৰ ওপৰেৰে ৰে’লপথ স্থাপন কৰিবলৈ সক্ষম হৈছে।
