লাডাখৰ ভাৰত-সীমান্তৰ উত্তেজনাক লৈ এতিয়াও বিৰোধী দল কংগ্ৰেছ সৰৱ হৈ আছে।
কংগ্ৰেছ নেতা ৰাহুল গান্ধীয়ে পুনৰ অভিযোগ কৰিছে যে চীনে ভাৰতৰ ভূখণ্ড দখল কৰিছে। এই অভিযোগ নৰেন্দ্ৰ মোদীৰ কেন্দ্ৰেয়ী চৰকাৰে স্বাকীৰ নাইকৰা যদিও অস্বীকাৰ কৰিবও পৰা নাই।
কেন্দ্ৰীয় মন্ত্ৰী ৰবিশংকৰ প্ৰসাদ আৰু লাডাখৰ বিজেপি সাংসদ জাময়াংগ ছেৰিং নামগ্যেলে ৰাহুল গান্ধীক প্ৰত্যাক্ৰমণ কাৰি কালি উভতি ধৰি কৈছিল যে চীনে ভাৰতৰ অনেক ভূখণ্ড দখল কৰিছে আৰু সেয়া কংগ্ৰেছ চৰকাৰৰ আমোলত দখল কৰা অঞ্চল।
পুনৰ উভতি ধৰি ৰাহুল গান্ধীৰ দাবী, ‘চীনে লাহে লাহে আহি আমাৰ ভূখণ্ড দখল কৰি পেলাইছে।’
কিন্তু মিথ্যাচাৰৰ আশ্ৰয় লৈ ৰবি শংকৰ প্ৰসাদ বা বিজেপি সাংসদে এই কথা লুকুৱাই ৰাখিছে বুলি দাবী ৰাহুল গান্ধীৰ। তেওঁ লগতে কয় ‘লাডাখত চীনে ভাৰতৰ ভূমি দখল কৰা নাই বুলি তেওঁলোকে দাবী কৰিব পৰা নাই।’
ইফালে ভাৰতীয় সেনাৰ সূত্ৰত প্ৰকাশ যে পাংগং লেকৰ চাৰি নম্বৰ ফিঙ্গাৰৰ পৰা আঠ নম্বৰ ফিঙ্গাৰলৈকে গোটেই অঞ্চল মে’ মাহৰ পৰাই চীনা সৈন্যই দখল কৰি আছে আৰু অঞ্চলটোটত ভাৰতীয় সেনাৰ তহলদাৰী বন্ধ আছে।
উল্লেখ্য যে, যোৱা ৫ মে’ত পাংগং লেক অঞ্চলত ভাৰত আৰু চীন সেনাৰ মাজত সংঘাত আৰম্ভ হৈছিল।
ইয়াৰ পিছতে শনিবাৰৰ পৰা দুই দেশৰ সেনাৰ কামাণ্ডাৰ স্তৰত বৈঠক আৰম্ভ হৈছে আৰু ভাৰত আৰু চীনে লাডাখৰ গলৱান ভেলীৰ তিনি ঠাই ক্ৰমে ১৪ আৰু ১৫ নম্বৰ তহলদাৰী অঞ্চল আৰু গোগৰা হটস্প্ৰিংৰ ১৭ নম্বৰ তহলদাৰী অঞ্চলৰ পৰা মুখামুখি অৱস্থানৰত দুই দেশৰ সেনাবাহিনীক পিছুৱাই আনিছে।
ইয়াৰ পিছতে কালি বেইজিঙে জনাইছে যে কূটনৈতিক আৰু সামৰিক স্তৰৰ আলোচনাৰ ঐক্যমত অনুযায়ী দুই পক্ষই এই কাম কৰিছে।
কিন্তু ভাৰতীয় সেনাই দাবী কৰিছে যে গাংগং লেকৰ উত্তৰ পাৰৰ উত্তেজনাপূৰ্ণ পৰিস্থিতি এতিয়াও অব্যাহত আছে।
সেই ঠাইত প্ৰকৃত নিয়্ন্ত্ৰণ ৰেখাৰ ৮ কিলোমিটাৰ অতিক্ৰম কৰি চীনা সৈন্যই ভাৰতৰ ভূখণ্ডত প্ৰৱেশ কৰিছে।
এপ্ৰিলত সীমান্তৰ যি পৰিস্থিতি আছিল সেই স্থিতাৱস্থা অটুত থকাটো ভাৰতে বিচাৰিছে। কিন্তু চীনা সৈন্যই ভাৰতীয় সেনাৰ এই প্ৰস্তাৱ অগ্ৰাহ্য কৰি আহিছে।
নতুন দিল্লীয়ে দাবী কৰিছে যে নিয়ন্ত্ৰণ ৰেখাৰ সংলগ্ন অঞ্চলত চীনে মোতায়েন কৰা প্ৰায় ১০ হাজাৰ সেনা, কামান ও টেংক আদি প্ৰত্যাহাৰ কৰি পৰিস্থিতি স্বাভাৱিক অৱস্থালৈ আনক।
ইফালে ডোকলাম অঞ্চলৰ পৰা দুই দেশৰ সেনাক সংঘাতময় পৰিস্থিতিৰ পৰা আঁতৰি আহিবলৈ ভাৰতৰ বৈদেশিক মন্ত্ৰালয়ে চৰকাৰী বিবৃতিৰল যোগে আহ্বান জনাইছে।
