দেশৰ মুখ্য ন্যায়াধীশ ডি ৱাই চন্দ্ৰচূড়ে বাৰ এছ’চিয়েচন অফ আমেৰিকাৰ দ্বাৰা আয়োজিত সন্মিলনত ভাষণ দিছিল। তেওঁৰ মতে, এইটো সম্পূৰ্ণৰূপে সঁচা যে প্ৰকৃত বিষয়বস্তুবোৰ ভুৱা বাতৰিৰ বলি হৈ পৰিছে। তেওঁ কয় যে বৰ্তমান লোকসকলৰ সহনশীলতাৰ কিছু অভাৱ হৈছে। আধুনিক যুগত এইটো এটা ডাঙৰ প্ৰত্যাহ্বান।
মানুহৰ মাজত ধৈৰ্য্য আৰু সহনশীলতাৰ অভাৱক তেওঁ এই যুগৰ এক ডাঙৰ প্ৰত্যাহ্বান বুলি অভিহিত কৰে। একে সময়তে, তেওঁ কয় যে বৰ্তমান মিছা বাতৰিৰ বাবে সত্যও চিকাৰ হ’বলগা হৈছে। ছ’চিয়েল মিডিয়াৰ প্ৰসাৰৰ বাবে তাত প্ৰথমে এটা বীজৰ অংকুৰণ ঘটে। আৰু ঠিক সেইটোৱেই শাখা-প্ৰশাখা সম্প্ৰসাৰিত কৰে। কিন্তু ইয়াক যুক্তিসঙ্গতভাৱে বিচাৰ কৰা নহয়।
তেওঁ লগতে কয় যে ন্যায়াধীশসকলকো ট্ৰ’ল কৰা হৈছে। ন্যায়াধীশসকলো ট্ৰ’লিঙৰ পৰা ৰক্ষা পৰা নাই। তেওঁ কয় যে ন্যায়াধীশ হিচাপে আমি কৰা সৰু সৰু কামবোৰ আৰু ন্যায়াধীশ হিচাপে আমি যিটো বিশ্বাস কৰো সেইটোও এইক্ষেত্ৰত ইয়াৰ ব্যতিক্ৰম নহয়। আমি কৰা কামত এনে লোকসকলেও আমাক ট্ৰ’ল কৰে যিয়ো আনকি আপোনাৰ দৃষ্টিভংগীখিনিও শ্বেয়াৰ নকৰে। আমি এনে এটা সময়ত বাস কৰিছো য’ত মানুহৰ ধৈৰ্য্য খুব কম। তেওঁলোকৰ সহ্য বহুত কম। তেওঁলোকে কোনো বিষয় মানিও ল’ব নোৱাৰে।
উচ্চতম ন্যায়ালয়ৰ মুখ্য ন্যায়াধীশগৰাকীয়ে কয় যে সমাজখন বৰ্তমান এক সংকটৰ মাজেৰে আগবাঢ়িছে। প্ৰযুক্তি ব্যৱহাৰিকভাৱে নিয়ন্ত্ৰণৰ বাহিৰত গৈছে।
দেশৰ মুখ্য ন্যায়াধীশগৰাকীয়ে বিশ্বায়নৰ লাভালাভৰ ওপৰত গুৰুত্ব আৰোপ কৰে। তেওঁ চাৰিটা বিষয়ত আলোকপাত কৰে। সেই চাৰিটা বিষয় হৈছে সন্ত্ৰাসবাদ, জলবায়ু পৰিৱৰ্তন, কোভিড-১৯, আৰু বৈষম্য।
ৱৰ্ল্ড ট্ৰেড চেণ্টাৰত হোৱা আক্ৰমণৰ কথা উল্লেখ কৰি দেশৰ শীৰ্ষ ন্যায়ালয়ে কৈছে যে বিশ্বায়ন বিৰোধী ভাৱনা বৃদ্ধি পাইছে। এই সন্ত্ৰাসবাদী আক্ৰমণে আনকি ভাৰতকো জোকাৰি গৈছিল।
আনহাতে, ভাৰতৰ মুখ্য ন্যায়াধীশগৰাকীয়ে কয় যে জলবায়ু পৰিৱৰ্তনে সমগ্ৰ বিশ্বক জোকাৰি গৈছে। ই কেৱল দেশৰ অভিজাত সমাজক জোকাৰি যোৱাই নহয়, ই সমাজৰ প্রান্তিক শ্ৰেণীসমূহকো পোনপটীয়াকৈ আঘাত কৰিছে। উপকূলীয় দেশ আৰু উপকূলীয় ৰাজ্যসমূহৰ ওপৰত মহামাৰীৰ প্ৰভাৱ যথেষ্ট আছিল।
