সোণাপুৰস্থিত দিচাং ৰিজৰ্টত ‘হৰ্চ’ সজাই বহু কংগ্ৰেছ প্ৰাৰ্থী আৱদ্ধ কৰি ৰখা হৈছে।
ক’ৰ’ণাৰ ত্ৰাসৰ মাজতে চাবুৱা সমষ্টিৰ বিধায়ক প্ৰাৰ্থী অজয় ফুকনকে ধৰি বহু প্ৰাৰ্থীয়ে ৰিজৰ্টৰ চুইমিঙ পুলত জলকেলি কৰি ফেচবুকত ফটো ভিডিঅ’ আপলোড কৰিছে। যাক লৈ চ’ছিয়েল মেডিয়াত তীব্ৰ সমালোচনাৰ সন্মুখীন হৈছে দিচাং ৰিজৰ্টত আৱদ্ধ হৈ থকা কংগ্ৰেছী প্ৰাৰ্থীসকল।
তেনে সময়তে পশ্চিম গুৱাহাটী সমষ্টিৰ কংগ্ৰেছী প্ৰাৰ্থী মীৰা বৰঠাকুৰে দেখুৱাইছে অন্য এক নিদৰ্শন। গুৱাহাটীৰ বিভিন্ন প্ৰান্তত বৰঠাকুৰৰ নেতৃত্বত গঠিত ‘আইনা’ নামৰ স্বেচ্ছাসেৱী সংস্থাৰ উদ্যোগত মাস্ক আৰু ছেনিটাইজাৰ বিতৰণৰে এক অনন্য নিৰ্দেশন দেখুৱাইছে মীৰা বৰঠাকুৰে। ইয়াকে লৈ এতিয়া সকলোৱে বৰঠাকুৰক বিভিন্নজনে ছ’চিয়েল মেডিয়াত প্ৰশংসাৰে উপচাই পেলাইছে।
বহুতে এইদৰেও লিখিছে ‘সুন্দৰ পদক্ষেপ বাইদেউ। বাইদেউ দুখ লাগিছে আপোনা লোকৰ এচাম নেতাই যে দিচাঙত কি কৰি আছে বাৰু দেশৰ এনে দুযোৰ্গৰ সময়। আপুনি এবাৰ কওঁক এতিয়া মনোৰঞ্জন এৰক। আপোনাক ধন্যবাদ।‘
জনসাধাৰণৰ মাজত সজাগতা বৃদ্ধি আৰু সচেতন হ’বলৈ পৰামৰ্শ প্ৰদান কৰি মাস্ক আৰু চেনিটাইজাৰ বিতৰণ এক অনন্য সামাজিক দায়বদ্ধতা বুলি উল্লেখ কৰিব পাৰি।
তাৰ বিপৰীতে সমাজৰ প্ৰতি কোনো দায়বদ্ধতা নথকা একাংশ কংগ্ৰেছ প্ৰাৰ্থীয়ে দিচাং ৰিজৰ্টত আৱদ্ধ হৈ জলকেলিত ব্যস্ত থকাটোৱে ইয়াৰ ওলোটা এখন ছবিহে দাঙি ধৰিছে।
