‘কালি আমাৰ ৰাষ্ট্রীয় সভাপতি জে পি নড্ডাৰ লগত ক’ৰ কমিটিৰ ভিডিঅ’ কনফাৰেন্সিঙৰ জৰিয়তে বাৰ্তালাপ হৈছিল৷ ক’ৰ’নাৰ বাবে চৰকাৰে লোৱা পদক্ষেপক লৈ সন্তুষ্টি প্ৰকাশ কৰিছে৷ মুখ্যমন্ত্ৰী আৰু স্বাস্থ্য মন্ত্ৰী প্ৰশংসা কৰিছে জে পি নাড্ডাই৷’
এক সংবাদমেল যোগে এই মন্তব্য কৰিলে অসম প্ৰদেশ বিজেপিৰ সভাপতি ৰনজিৎ কুমাৰ দাসে ৷
আনহাতে দাসে কয়, ‘বি টি এ ডি আৰু গুৱাহাটী পৌৰ সভাৰ নিৰ্বাচনৰ বাবেও ব্যৱস্থা গ্ৰহণ কৰাৰ কথা ৰাষ্ট্ৰীয় সভাপতিজনে জনাইছে৷ অসমৰ এজনো মানুহো ভোকাতুৰ মানুহ নাথাকে তাৰ বাবে কায্যকৰ্তাক আহ্বান জনোৱা হৈছে।’
ইপিনে ১২৬ টা সমষ্টিৰ বিধায়কৰ ৰিপৰ্ট কাৰ্ড চোৱা হ’ব বুলি এক গুৰুত্ব পূৰ্ন মন্তব্য কৰে ৰাজ্যিক সভাপতি দাসে।
‘বিধান সভা নিৰ্বাচনৰ বাবে ১২৬ টা সমষ্টিৰ গতিবিধি নিৰূপণ কৰিবলৈ আহ্বান জনাইছে বিজেপিৰ ৰাষ্ট্ৰীয় সভাপতিজনে৷’ এই মন্তব্য দাসৰ।
‘প্ৰত্যক বিধায়কৰ পাৰ্ফমেন্সৰ তথ্য দিয়াৰ কথাও প্ৰকাশ কৰিছে। কায্যকর্তাৰ সমীক্ষাত ১,৮৫,০০০ লোকে অংশ গ্ৰহণ কৰিছিল বুলিও জনাইছে ৰাষ্ট্ৰীয় সভাপতি গৰাকীয়ে৷’ সভাপতি দাসে কয়।
‘বিধায়কসকলে তেওঁলোকৰ ৰিপ’ৰ্ট কাৰ্ডসমূহ www.mla report card.inৰ আৰু 8011126043 নাম্বৰত ৱাটছআপ কৰিব পাৰিব৷
কেৱল শাসকীয় নহয়,কংগ্ৰেছৰ এম এল এ সকলৰো ৰিপ’ৰ্ট কাৰ্ড বিচৰা হৈছে জনতাৰ পৰা।’ এইদৰে অতি তাৎপৰ্যপূৰ্ণ মন্তব্য কৰে সভাপতি দাসে।
ইফালে প্ৰব্ৰজিত শ্ৰমিকসকলক লৈ কংগ্ৰেছে ৰাজনীতি কৰা বুলি অভিযোগ কৰে দাসে।
‘কংগ্ৰেছে শ্ৰমিকসকলক উচটাই দিছে।’ এনে ৰাজনীতি কৰিব নালাগে বুলি কংগ্ৰেছক সমালোচনা কৰে ৰণিজৎ দাসে।
‘চৰকাৰে এটা চিষ্টেমত কাম কৰি আছে, সকলোতে আউল লাগিব এনে ধৰণৰ ৰাজনীতি কৰিলে।’ দাসৰ কৌশলপূৰ্ণ মন্তব্য।
বিধায়কৰ ৰিপৰ্ট বেয়া হ’লে আগন্তুক বিধানসভা নিৰ্বাচনত তেনে বি জে পিৰ বিধায়কে টিকট লাভৰ পৰা বঞ্চিত হ’ব বুলি মন্তব্য কৰে ৰনজিৎ কুমাৰ দাসে৷
ভেকচিন নোলোৱালৈকে সামাজিক দূৰত্ব বৰ্তাই ৰখাৰ ক্ষেত্ৰত গুৰুত্ব দিয়াৰ কথা ৰাষ্ট্ৰীয় সভাপতি জনে প্ৰকাশ কৰা দাসে জানিব দিয়ে ৷
