অসম বিধানসভা নিৰ্বাচনৰ বাবে বিজেপি মিত্ৰজোঁট আৰু অজাপ তথা ৰাইজৰ দলে তেওঁলোকৰ প্ৰথম প্ৰাৰ্থী তালিকা ঘোষণা কৰাৰ পাছত কংগ্ৰেছেও প্ৰথম পৰ্যায়ৰ নিৰ্বাচনৰ বাবে ৪০ জনীয়া প্ৰাৰ্থী তালিকা প্ৰকাশ কৰিছে।
শনিবাৰে মাজ নিশা নিখিল ভাৰত কংগ্ৰেছ কমিটীৰ অনুমোদনৰ পিছতে এই প্ৰাৰ্থী তালিকা ঘোষণা কৰা হয়।
কংগ্ৰেছৰ প্ৰথমখন তালিকা অনুসৰি প্ৰদেশ কংগ্ৰেছৰ সভাপতি ৰিপুন বৰাই গহপুৰ সমষ্টিৰ পৰাই প্ৰতিদ্বন্দ্বিতা আগবঢ়াব। সেইদৰে বৰচলা সমষ্টিৰ পৰা বিজেপিৰ প্ৰাক্তন সাংসদ তথা বৰ্তমানৰ কংগ্ৰেছ নেতা ৰাম প্ৰসাদ শৰ্মাই প্ৰতিদ্বন্দ্বিতা কৰিব।
কংগ্ৰেছে এইবাৰ বহুকেইখন নতুন মুখক প্ৰাৰ্থিত্ব প্ৰদান কৰা দেখা গৈছে। অৱশ্যে, দলটোৱে প্ৰথম পৰ্যায়ৰ তিতাবৰ, নাওবৈচা, ঢকুৱাখনা আদি সমষ্টিৰ প্ৰাৰ্থীৰ নাম ঘোষণা কৰা নাই।
কংগ্ৰেছে ঘোষণা কৰা ৪০ জনীয়া প্ৰাৰ্থী তালিকা অনুসৰি প্ৰাৰ্থিত্ব লাভ কৰা প্ৰাৰ্থীসকল হৈছে ঢেকিয়াজুলি-বেনুধৰ নাথ, বৰচলা- ৰাম প্ৰসাদ শৰ্মা, তেজপুৰ- ড০ অনুজ কুমাৰ মেছ, ৰঙাপাৰা-অভিজিত হাজৰিকা, চতিয়া- প্ৰানেশ্বৰ বসুমতাৰী, বিশ্বনাথ-অঞ্জন বৰা, গহপুৰ-ৰিপুণ বৰা, বটদ্ৰৱা- শিৱামণি বৰা,ৰূপহীহাট-নুৰুল হুদা, চামগুৰি- ৰকিবুল হুছেইন, কলিয়াবৰ- প্ৰশান্ত কুমাৰ শইকীয়া,গোলাঘাট-বিতোপন শইকীয়া, খুমটাই- বিস্মিতা গগৈ, দেৰগাওঁ- বাণী হাজৰিকা।
যোৰহাট- ৰাণা গোস্বামী,মাজুলী- ৰাজীৱ লোচন পেগু, মৰিয়নী-ৰূপজ্যোতি কুৰ্মী, টীয়ক- পল্লৱী গগৈ, আমগুৰি- অংকিতা দত্ত, নাজিৰা- দেৱব্ৰত শইকীয়া, মাহমৰা-সূৰুষ দিহিঙিয়া, সোনাৰী-সুশীল কুমাৰ চুৰী, থাওৰা- সুশান্ত বৰগোহাঁই, শিৱসাগৰ-সুভ্ৰমিত্ৰা গগৈ, বিহপুৰীয়া- ভুপেন কুমাৰ বৰা, লখিমপুৰ- জয় প্ৰকাশ দাস, ধেমাজী- শৈলেন সোণোৱাল, জোনাই- হেম হৰি প্ৰসন্ন পেগু।
মৰাণ-প্ৰাঞ্জল ঘাটোৱাৰ, ডিব্ৰুগড়- ৰাজকুমাৰ নীলনেত্ৰ নেওগ, লাহোৱাল- মনোজ ধানোৱাৰ, দুলীয়াজান- ধ্ৰুৱ গগৈ, টিংখাং- এটোৱা মুণ্ডা, নাহৰকটীয়া-প্ৰণতি ফুকন, চাবুৱা- অজয় ফুকন, ডিগবৈ- শিৱনাথ চেতিয়া,মাৰ্ঘেৰিটা- মনোৰঞ্জন বৰগোহাঁই, ডুমডুমা- দুৰ্গা ভূমিজ আৰু শদিয়া- লখিন চন্দ্ৰ চেতিয়া।
