সোমবাৰে অসম প্ৰদেশ কংগ্ৰেছ কমিটিৰ ডিজিটেল এল ই ডি উন্মোচন কৰাৰ মুহূৰ্তত প্ৰদেশ কংগ্ৰেছৰ তত্বাবধায়ক জীতেন্দ্ৰ সিঙে ঘোষণা কৰে যে কংগ্ৰেছৰ চৰকাৰ হ’লে অসমবাসীক CAA ৰ পৰা মুক্ত কৰা হ’ব।
তেওঁ কংগ্ৰেছে দিয়া ৫ টা গ্যেৰান্টিৰ কথা পুনৰ উল্লেখ কৰি কয় ‘চাহ শ্ৰমিক সকলৰ দৈনিক বানচ ৩৬৫ টকালৈ বঢ়াই দিয়া হব। মহিলা সকলক ২০০০ টকাকৈ প্ৰত্যেক মাহত তেওঁলোকৰ সন্মানপূৰ্বক কামৰ বাবে প্ৰদান কৰা হব।
যুৱ প্ৰজন্মৰ বাবে বিশেষকৈ বেলেগ ৰাজ্যত কৈ নিবনুৱা হৈ থকা যুৱ প্ৰজন্মক ৫ লাখ চাকৰি আৰু ২৫ লাখ বেচৰকাৰী চাকৰি প্ৰদান কৰিবলৈ চেষ্টা কৰা হব যত ৫০% মহিলাৰ বাবে উপলব্দ্ধ হব।
তাৰ লগতে মূল্যবৃদ্ধি ৰোধৰ বাবে প্ৰয়াস কৰি ২০০ ইউনিটলৈ বিজুলী মাচুল মাফ ক’ৰা হব।
আনহাতে, উক্ত অনুষ্ঠানত উপস্থিত থাকি কংগ্ৰেছী সাংসদ আব্দুল খালেক কয় -“আন্তৰ্জাতিক নাৰী দিৱসৰ দিনাখন অসমত প্ৰথম বাবাৰ বাবে সমগ্ৰ দেশতে যে মহিলা বাবে যি ৫০% চাকৰিৰ প্ৰতিশ্ৰুতি দিয়া হ’ল। এই ৫ বছৰে বিজেপিয়ে যিমানবোৰ প্ৰতাৰণা কৰিলে ,ব্ৰহ্মপুত্ৰৰ দুই পাৰে এক্সপ্ৰেছ হাইৱে নিৰ্মাণৰ কথা কৈছিল, তাৰ প্ৰস্তাৱ কেন্দ্ৰীয় চৰকাৰৰলৈ ন’গলেই।‘
‘ লোক সভাৰ মজিয়াত মই প্ৰশ্ন কৰোঁতে এই সন্দৰ্ভত কোনো প্ৰস্তাৱ যোৱা নাই বুলি তেওঁলোকে ক’লে। অসম চুক্তিৰ ৬নং দফালৈ দুবাৰকৈ কমিটি গঠন কৰিলে কিন্তু প্ৰতিবেদন খন গ্ৰহণ কৰিবলৈ কেন্দ্ৰীয় গৃহ মন্ত্ৰীৰ সময় নহল। আনকি কেন্দ্ৰীয় গৃহ মন্ত্ৰী ২ জনকৈ ডেপুইটিৰ ও সময় ন’হল।কেন্দ্ৰীয় বিভাগৰ সচিব সকলৰও সময় নহল।এফালে ৰাজ্য চৰকাৰে ৬নং দফাৰ প্ৰতিবেদন পৰীক্ষা কৰি থকা বুলিহে কৈছে।ৰাইজক দিয়া এনেধৰণৰ প্ৰতাৰণৰ বিৰুদ্ধে অসমৰ ৰাইজক জাতি মাটি ভেটিৰ নামত ঠগিলে তাৰ সঠিক প্ৰত্যুত্তৰ দিবৰ বাবে এই count down আৰম্ভ হৈছে।‘ খালেকে ভাষণ প্ৰসংগত এইদৰে কয়।