সমগ্ৰ বিশ্বতে সংহাৰী ৰূপ ধাৰণ কৰা ক’ৰ’না ভাইৰাছৰ ফলত এই পৰ্যন্ত ৩৬,৬২,৬৯১ গৰাকী লোক আক্ৰান্ত হৈছে আৰু ২,৫৭,২৩৯ গৰাকী লোক মৃত্যুমুখত পৰিছে।
জন্স হফকিন্স য়ুনিভাৰ্চিটিয়ে প্ৰকাশ কৰা তথ্য অনুসৰি ক’ৰ’নাত আক্ৰান্ত হৈ মৃত্যু হোৱা সংখ্যা য়ুৰোপ আৰু আমেৰিকাতে সৰ্বাধিক।
আমেৰিকাত এই পৰ্যন্ত আক্ৰান্তৰ সংখ্যা হৈছে ১২,০৪,৩৫১ গৰাকী আৰু মৃত্যু হৈছে ৭১,০৬৪ গৰাকী লোকৰ।
উল্লেখ্য যে, ক’ৰ’না ভাইৰাছৰ উৎপত্তিস্থল চীনৰ য়ুহান চহৰ যদিও তাত আক্ৰান্তৰ সংখ্যা এক লাখৰো কম। চীনত ক’ৰ’নাৰ ফলত ৪,৬৩৭ গৰাকী লোকৰ মৃত্যু হৈছে, যিটো য়ুৰোপৰ দেশ সমূহৰ তুলনাত বহু কম।
যুৰোপৰ দেশ সমূহৰ ভিতৰত সৰ্বাধিক সংহাৰী ৰূপ ধাৰণ কৰা দেশ কেইখন হ’ল- স্পেইন, ফ্ৰান্স, ইটালী আৰু য়ুকে। এই দেশ কেইখনত মৃত্যু হোৱা লোকৰ সৰ্বমুঠ সংখ্যা হৈছে ১,০৯,৯৯৬।
এইদৰে আমেৰিকা আৰু য়ুৰোপৰ এই চাৰিখন দেশৰত ক’ৰ’নাৰ ফলত হোৱা মৃত্যুৰ সংখ্যা ১.৮১ লাখৰো অধিক। বিশ্বত মৃত্যু হোৱা লোকৰ ৭০ শতাংশতকৈ অধিক লোক এই পাঁচখন দেশৰ।
ইফালে আজি ভাৰতৰ স্বাস্থ্য মন্ত্ৰ্যালয়ে জাৰি কৰা শেহতীয়া তথ্য অনুসৰি দেশত ক’ৰ’না আক্ৰান্তৰ সংখ্যা ৪৯,৩৯১ লৈ বৃদ্ধি পাইছে। আনহাতে ১৬৯৪ গৰাকী লোকৰ মৃত্যু হৈছে।