মহাৰাষ্ট্ৰৰ এখন বিশেষ ন্যায়ালয়ে এটা চাঞ্চল্যকৰ ৰায়প্ৰদান কৰিছে।
এজনী চাৰি বছৰীয়া ছোৱালীক যৌন নিৰ্যাতন চলোৱাৰ শাস্তি হিচাপে আশীৰোৰ্ধৰ এহাল দম্পত্তিক ১০ বছৰৰ কাৰাবাসৰ ৰায় দিয়া হৈছে।
যৌন নিৰ্যাতনৰ গোচৰটো ২০১৩ চনৰ আৰু ‘দ্যা প্ৰটেকচন অৱ চিল্ড্ৰেন ফ্ৰম চেক্সুৱেল অফেন্সেছ এক্ট’ৰ অধীনত ন্যায়াধীশ ৰেখা এন পান্ধাৰেয়ে এই ৰায়প্ৰদান কৰিছে।
আৰক্ষীক দিয়া ভাস্য অনুসৰি, চাৰি বছৰীয়া ছোৱালীলজনীয়ে কৈছিল যে ২০১৩ চনৰ ৪ ছেপ্টেম্বৰৰ দিনা স্কুলৰ পৰা ঘৰলৈ আহি খাদ্য খাই খাই টিভিত কাৰ্টুন চাই আছিল।
দুপৰীয়াৰ সময়ত, তাই আৰু তাইৰ মাক দেউতাকে বাস কৰা বিল্ডিঙৰ চতুৰ্থ মহলালৈ লগৰীয়াৰ লগত খেলিবলৈ গৈছিল।
কিন্তু লগৰীয়াজনী শুই থকাত তাই নিজৰ ঘৰলৈ উভটি আহে আৰু আশীৰোৰ্ধৰ দম্পত্তিটোৱে তাইক তেওঁলোকৰ ঘৰলে মাতে।
ককাক-আইতাকৰ সমবয়সী দম্পত্তিটোক তাই ‘দাদা-দাদি’ বুলি মাতিছিল।
তাৰপাছত যেতিয়া তাই ‘দাদা’ সম্বোধন কৰা বৃদ্ধলোক (৮৭)জনৰ ওচৰলৈ গ’ল, তেওঁ তাইক জোৰ-জবৰদস্তি কোচত উঠাই ঘৰৰ ভিতৰলৈ লৈ গ’ল।
ভিতৰলৈ নি তেওঁ তাইক এখন ঝুলনাত বহুৱালে।
কিন্তু তাই তাৰ পৰা গুছি আহিব বিচৰাত বৃদ্ধজনে তাইক থাপৰ শোধালে।
চাৰি বছৰীয়া কন্যাসন্তানজনীয়ে কয় অভিযোগ কৰে যে যেতিয়া তাই ‘দাদি’ সম্বোধন কৰি মতা দম্পত্তিটোৰ ৮১ বছৰীয়া বৃদ্ধাগৰাকীয়ে তাইক হাতেৰে ধৰি ৰাখে, বৃদ্ধজনে তাইৰ কাপোৰ খুলিব ধৰে।
তাৰপাছত দম্পত্তিটোৱে তাইক নাৰকীয়ভাৱে যৌন অত্যাচাৰ কৰিব ধৰে।
তাই যেতিয়া তাৰ পৰা পলাব খুজে, বৃদ্ধজনে তাইৰ মুখত থুৱাই দিয়ে আৰু তাই ভয় খায়।
অৱশ্যে শেষত তাই কাপোৰ পিন্ধি ঘৰলৈ পলাই আহিবলৈ সক্ষম হয়।
ছোৱালীজনীৰ মাকে দিয়া ভাস্য অনুসৰি তাই ঘৰলৈ ঘূৰি অহাৰ পাছত ৰাতি ১০ বজাত তাইক শোৱাবলৈ মাকে বিচনালৈ লৈ লৈ যায়।
তেতিয়া তাই মাকক কয় যে যদি মাকে গালি নাপাৰে তেন্তে তাই কিবা এটা ক’ব বিচাৰিছে।
তাৰপাছত নিজৰ ওপৰত বৃদ্ধ দম্পত্তিটোৱে কৰা যৌন অত্যাচাৰৰ বৰ্ণনা কৰিব ধৰিলে।
মাকে লগালগ ছোৱালীজনীৰ গোপন অংগসমূহ নিৰীক্ষণ কৰি আঘাটৰ চিন পায়।
তাৰপাছত মাকে দেউতাকক খবৰ দিয়ে আৰু এখন অভিযোগনামা দাখিল কৰে।
পাছদিনাই বৃদ্ধ দম্পত্তিটোক আটক কৰা হয়।
শিশুৰ ওপৰত বৃদ্ধৰ এই যৌন নিৰ্যাতনৰ ঘৃণনীয় ঘটনাটোৱ সচেতন মহলত ব্যাপক চৰ্চা লাভ কৰিছে।
