দেওবাৰে বাংলাদেশৰ এখন আদালতে এজন জনপ্ৰিয় কাৰ্টুনিষ্টক অচিনাক্ত লোকে অত্যাচাৰ কৰাৰ অভিযোগ সম্পৰ্কে অনুসন্ধানৰ নিৰ্দেশ জাৰি কৰিছে।
আহমেদ কবিৰ কিশোৰ (৪৫) নামৰ কাৰ্টুনিষ্টজনক দেশখনৰ ইণ্টাৰনেট আইনৰ অধীনত ২০২০ চনৰ মে’ মাহত গ্ৰেপ্তাৰ কৰা হৈছিল।
দেশবিৰোধী কাম-কাজ আৰু উৰাবাতৰি প্ৰচাৰ কৰাৰ অভিযোগত তেওঁ কিছুদিন কাৰাবন্দী হৈ আছিল।
দুসপ্তাহ পূৰ্বে তেওঁক জামিনত মুক্তি দিয়া হয়।
তেওঁ শেহতীয়াকৈ অভিযোগ কৰিছিল যে গ্ৰেপ্তাৰ কৰাৰ পূৰ্বে কিছু অচিনাক্ত লোকে কাৰা তেওঁক চূড়ান্ত অত্যাচাৰ কৰিছিল।
তদুপৰি ফেব্ৰুৱাৰী মাহত দেশখনৰ এজন লেখক মুস্তাক আহমেদ কাৰাৰুদ্ধ অৱস্থাতে কাৰাগাৰত মৃত্যু হোৱাক লৈ দেশখনৰ সচেতন মহলত ব্যাপক প্ৰতিক্ৰিয়াৰ সৃষ্টি কৰিছে।
উল্লেখযোগ্য যে দুয়োজনে একে আইনৰ ভিত্তিতে কাৰাবাস খাটিব লগা হৈছিল।
কাৰ্টুনিষ্টজনে অভিযোগ কৰে যে তেওঁ আৰু আহমেদ একে কাৰাগাৰতে বন্দী হৈ আছিল আৰু অত্যাচাৰৰ ফলস্বৰূপে আহমেদ মৃত্যুমুখত পৰিল।
বুধবাৰে কাৰ্টুনিষ্টজনে ঢাকা আদালতত এখন আবেদন পত্ৰ দাখিল কৰে।
আবেদনখনত তেওঁ অভিযোগ কৰে যে তেওঁক প্ৰায় এক ডজন অচিনাক্ত লোকে ২০২০ চনৰ ২ মে’ত তিনিদিনৰ বাবে অপহৰণো কৰা নিছিল।
অপহৰণ কৰি নি লাঠি আৰু চৰ সোধাইছিল।
যাৰ ফলত তেওঁৰ সোঁ কাণৰ পৰা তেজ নিগৰিছিল।
তাৰপাছত অপহৰণকাৰীসকলে তেওঁক আৰক্ষীৰ হাতত গটাই দিয়া বুলি গুৰুত্বৰ অভিযোগ তেওঁ উত্থাপন কৰিছে।
