ইছলাম ধৰ্মীয় পৱিত্ৰ ৰমজান মাহ আৰম্ভ হ’বলৈ মাত্ৰ আৰু ১০ টা দিনহে বাকী আছে। দেশত অব্যাহত থকা ল’কডাউনৰ ম্যাদ অহা ৩০ এপ্ৰিললৈকে বৃদ্ধি কৰিলে এইবাৰ পবিত্ৰ ৰমজান মাহ ল’কডাউনৰ মাজতে আৰম্ভ হ’ব।
অল ইণ্ডিয়া মুছলিম পাৰ্চনেল ল’ ব’ৰ্ড(AIMPLB)ৰ মতে এইবাৰ ২৫ এপ্ৰিলৰ পৰা পবিত্ৰ ৰমজান মাহ আৰম্ভ হ’ব।
ল’কডাউনৰ মাজতে ৰমজান মাহ আৰম্ভ হোৱাৰ সংক্ৰান্ত ইছলামিক চেন্টাৰ অৱ ইণ্ডিয়া(ICI)ৰ অধ্যক্ষ তথা আইচবাঘ ইদগাহৰ ইম্মান মৌলানা খালিদ ৰশ্বিড ফিৰাঙ্গীয়ে দেশৰ ইছলাম ধৰ্মাৱলম্বী লোকসকলৰ প্ৰতি এক নিৰ্দেশনা জাৰি কৰিছে।
তেওঁ এটা ভিডিঅ’ত কয় যে, ইছলাম ধৰ্মীয় লোকসকলক ল’কডাউনৰ সময়ত ঘৰতে ৰোজা আৰু ইফটাৰ পালন কৰিব। মছজিদ থকা লোকসকলৰ বাহিৰে বাকী লোকসকলে ঘৰতে নামাজ পঢ়িব। যিসকল লোক মছজিদত থাকে তেওঁলোকেও সামাজিক দূৰত্ব বৰ্তাই ৰাখিহে নামাজ পঢ়িব লাগিব।
ইম্মামগৰাকীয়ে আৰু কয় যে, ইফটাৰৰ বাবে দৰিদ্ৰলোকসকলক মছজিদে খাদ্য যোগানৰ ব্যৱস্থা কৰিব আৰু দুখীয়ালকোসকলৰ মাজত খাদ্য বিতৰণো কৰিব।
