বোকাখাত মহকুমা প্ৰশাসনৰ উদ্যোগত বোকাখাত উদ্যোগিক প্ৰশিক্ষণ প্ৰতিষ্ঠানে নুমলীগড় শোধনাগাৰ লিমিটেডৰ সহযোগত বহিৰাজ্যৰ পৰা ওভটি অহা যুৱক যুৱতীৰ বাবে বিনামুলীয়া প্ৰশিক্ষণৰ আয়োজন কৰিছে৷
তিনি মহীয়া এই প্ৰশিক্ষণত বহি ৰাজ্যৰ পৰা ওভটি আহি কৰ্মহীন হৈ পৰা এই যুৱক যুৱতী সকলক কাঠৰ কাম , মোবাইল ৰিপিয়াৰিং , পানীৰ পাইপ মেৰামতি আদি কামৰ প্ৰশিক্ষণ প্ৰদান কৰিব৷
বিনামুলীয়া এই প্ৰশিক্ষনৰ শেষত প্ৰশিক্ষন লোৱা যুৱক যুৱতী সকলক প্ৰমান পত্ৰৰ লগতে কৰ্ম সংস্থাপনতো সহায় সহযোগিতা আগবঢ়োৱা হ’ব৷
বৃহস্পতি বাৰৰ দিনা বোকাখাতৰ উদ্যোগিক প্ৰশিক্ষণ প্ৰতিষ্ঠানৰ পৰিচালনা সমিতিৰ বৈঠকত এই সিদ্ধান্ত লোৱা হয়৷
প্ৰশিক্ষনত অংশ ল’ব বিচৰা বহিৰাজ্যৰ পৰা ওভটি অহা যুৱক যুৱতী সকলক মোবাইল নম্বৰ ৯৬১৩২২৪৪৯৯ আৰু ৭০০২৬২৯৬৩৩ ত ১৪ আগষ্টৰ ভিতৰত যোগাযোগ কৰিবৰ বাবে পৰিচালনা সমিতিৰ তৰফৰ পৰা জানিবলৈ দিছে৷
নুমলীগড় শোধনাগাৰ আৰু বোকাখাতৰ উদ্যোগিক প্ৰশিক্ষণ প্ৰতিষ্ঠানৰ এই পদক্ষেপক সকলোৱে আদৰণি জনাইছে৷
