বিশ্বকাপ জয় কৰাৰ পিছত বিশ্বকাপ ট্ৰফীৰ মৰ্যাদা পাহৰি গ’ল নেকি মিচেল মাৰ্ছে? যি ট্ৰফীৰ বাবে খেলুৱৈসকলে গোটেই জীৱন অপেক্ষা কৰি থাকে, সেই ট্ৰফীৰ ওপৰত নিজৰ দুয়ো ভৰি তুলি ফটো তুলিলে মাৰ্ছে। আৰু সেইটো মুকলি কৰি দেখুৱালে দলৰ অধিনায়ক পেট কামিন্সে। এই ঘটনাত সমালোচনাৰ জোৱাৰ উঠিছে। মাৰ্ছৰ উল্লাসৰ শৈলীটো কোনেও বুজি পোৱা নাই। তেওঁ কিয় এনে কৰিলে? উত্থাপন হৈছে প্ৰশ্ন।
বিশ্বকাপ জয় কৰাৰ পিছত কামিন্সে নিজৰ ইনষ্টাগ্ৰাম ষ্ট’ৰীত দলটোৰ উদযাপনৰ কেইবাখনো ছবি পোষ্ট কৰে। তাত এখন ছবিত মাৰ্ছক ট্ৰফীত দুই ভৰি তুলি হাঁহি হাঁহি আনন্দেৰে বহি থকা দেখা যায়। হাতত পানীয়ৰ বটল। বাওঁহাতখন মুঠি মাৰি ধৰা। এনেধৰণৰ চিন্তা, কেনেকৈ দিলোঁ! এই ছবিখনৰ পৰাই আৰম্ভ হৈছে চৰ্চা।
লগতে পঢ়কঃবিশ্বজয়ৰ আনন্দ কাটি কৰি বিৰাটক সান্ত্বনা বৈৰীবন্ধু মেক্সৱেলৰ; ভাৰতৰ জোঁৱাইক কোহলীৰ উপহাৰ
সাধাৰণতে বিশ্বকাপ জয় কৰাৰ পিছত খেলুৱৈয়ে ট্ৰফীত চুম্বন কৰি থকা দেখা যায়। যি খেলেই নহওক কিয়, ট্ৰফীৰ আবেগ বেলেগ, মৰ্যাদা বেলেগ। ২০২২ চনৰ বিশ্বকাপ জয় কৰাৰ পাছত লিয়নেল মেছিয়ে বুকুত ট্ৰফী লৈ শুইছিল। মিছ কৰিব বিচৰা নাছিল। মাৰ্ছে সেই ট্ৰফীৰ ওপৰত ভৰি থৈ দেখুৱাব বিচাৰিছে যে বিশ্বকাপ জয় কৰাটো তেনেই সাধাৰণ কথা। সেয়ে কোনো পৃথক আৱেগে তেওঁৰ বাবে কাম কৰা নাই। মাৰ্ছৰ এই কাণ্ডৰ পিছত ছ’চিয়েল মিডিয়াত তেওঁৰ সমালোচনা আৰম্ভ হৈছে।
"Dear @ICC and @BCCI, expressing concern over Mitch Marsh placing the World Cup trophy under his feet. This behavior seems disrespectful to the game's integrity. Kindly review and address this matter appropriately. #CricketEthics" pic.twitter.com/3nfnI9skdQ
— Saini Vaib (@reverb_cia) November 20, 2023
মাৰ্ছৰ এনে আচৰণ বা কথা-বতৰা নতুন নহয়। বিশ্বকাপৰ ফাইনেলৰ পূৰ্বে তেওঁ ভৱিষ্যদ্বাণী কৰিছিল। ফাইনেলত ভাৰতক উৰুৱাই দিব বুলিও কৈছিল। অষ্ট্ৰেলিয়াই প্ৰথমে বেটিং কৰি ৪২০ ৰান সংগ্ৰহ কৰিব। ইয়াৰ পিছত ভাৰতে ৬৫ ৰানত অল আউট হ’ব। তেওঁলোকে হয়তো ভাৰত হেৰুৱাইছে। কিন্তু ইয়াৰ অৰ্থ এইটো নহয়নে যে ইমান ভাল খেলি থকা দলটোৰ বিৰুদ্ধে এয়া অতিমাত্ৰা আত্মবিশ্বাস!
Don't give so much to anyone that you forget to respect. This is the World Cup trophy for which 10 countries fought for almost 1 and half months. The dream of billions of fans from 9 countries was broken. It's disrespect of WORLD CUP TROPHY. Disgraceful Mitchell Marsh.… pic.twitter.com/2iAZhtLLio
— Satya Prakash (@Are_Sambha) November 20, 2023
দলৰ বাকীসকলতকৈ মাৰ্ছ বেলেগ! য’ত কামিন্স, লাবুচেন, স্মিথে বিশ্বকাপ জয়ৰ পিছত আৱেগত ভাঁহিছে, মাৰ্ছ আছে আন এখন পৃথিৱীত। একেবাৰে উঞ্ছবৃত্তিত!
