অসামৰিক আৰু আৰক্ষী প্ৰশাসন যিকোনো পৰিস্থিতিৰ মোকাবিলা কৰিবলৈ সক্ষমত জোৰ দিয়া অৱস্থাত শনিবাৰে অসমৰ মুখ্য সচিব আলোক কুমাৰ।
নাগৰিকত্ব বিধেয়কক লৈ অসমত বৰ্তমান সৃষ্টি হোৱা পৰিস্থিতিলৈ আঙুলিয়াইছিল কুমাৰে। কুমাৰে অসম আৰক্ষীৰ সঞ্চালকপ্ৰধান কুলধৰ শইকীয়াৰ সৈতে এক যুটীয়া সংবাদমেল সম্বোধন কৰিছিল।
সংবাদমেল সম্বোধন কৰা আৰক্ষী সঞ্চালকপ্ৰধান কুলধৰ শইকীয়াই কয় নাগৰিকত্ব বিধেয়কক লৈ ৰাজ্যৰ বিভিন্ন ঠাইত সংঘটিত হিংসাত্মক ঘটনাক লৈ এতিয়ালৈকে অসমত ৮টা গোচৰ ৰুজু হৈছে।
“অসমৰ আইন আৰু শৃংখলা এতিয়ালৈকে নিয়ন্ত্ৰণাধীন কিন্তু প্ৰত্যহ্বানজনক। ৰাজ্যখন পাৰ হৈছে এক পৰিস্থিতিৰ মাজেদি- যিটো প্ৰত্যাহ্বানজনক। চৰকাৰে অনুভৱ কৰে যে জনসাধাৰণৰ প্ৰতিবাদৰ অধিকাৰ আছে। অৱশ্যে কিছু বিচ্যুতি লক্ষ্য কৰা হৈছে। কাপোৰ খোলা আৰু সেই প্ৰকাৰে প্ৰতিবাদ কৰা সঠিক নহ’ব পাৰে,” ৰাজ্যৰ জনসাধাৰণক সংযত থাকিবলৈ সংবাদ মাধ্যমৰ যোগেদি আহ্বান জনাই অসমৰ মুখ্য সচিব আলোক কুমাৰে কয়।
“চলিত বাগদাৰা পৰ্য্যৱশিত হ’ব নালাগে পথৰ হিংসালৈ— যিটোৱে পৰিস্থিতি নিয়ন্ত্ৰণ কঠিন কৰি তুলিব। এতিয়া শান্তি আছে আৰু জনসাধাৰণৰ বাবে এটা পৰিস্থিতি সৃষ্টি কৰা দৰকাৰ বিশেষকৈ সাধাৰণ নিৰ্বাচনলৈ দুমাহ বা তিনিমাহ থকা অৱস্থাত,” কয় কুমাৰে।
আৰক্ষীৰ গোচৰসমূহ সম্পৰ্কে ব্যাখ্যা আগবঢ়াই শইকীয়াই কয় যে তিনিচুকীয়াত তিনিটা, বিশ্বনাথ জিলাৰ বিহালীত দুটা গোচৰ পঞ্জীয়ন হৈছে। আন তিনিটা গোচৰ পঞ্জীয়ন হৈছে নলবাৰী জিলাত, তেওঁ লগতে কয়।
নাগৰিকত্ব বিধেয়ক বিৰোধী আন্দোলন আলফাৰ দ্বাৰা নিয়ন্ত্ৰিত বুলি মন্ত্ৰী হিমন্ত বিশ্ব শৰ্মাই শেহতীয়াকৈ কৰা মন্তব্য সন্দৰ্ভত ডিজিপিয়ে অৱশ্যে কয় যে এতিয়ালৈকে আৰক্ষীৰ হাতত এই বিষয়ে কোনো নিৰ্দিষ্ট ইনপুট নাই, কিন্তু আৰক্ষীয়ে এই বিষয়ে অনুসন্ধান কৰি আছে।
“আমি তিনিচুকীয়া, নলবাৰী আৰু বিহালীত গোচৰ পঞ্জীয়ন কৰিছো আৰু কেইবাজনো ব্যক্তিক গ্ৰেপ্তাৰ কৰা হৈছে। এতিয়া বিস্তাৰিত জেৰাৰ পিছতহে আন্দোলনটোত কোনোবা আণ্ডাৰগ্ৰাউণ্ড বাহিনী জৰিত আছে নেকি আমি ক’ব পাৰিম,” কয় শইকীয়াই।
ডিজিপিয়ে অৱশ্যে কয় যে যিকোনো পৰিস্থিতিৰ মোকাবিলা কৰিবলৈ আৰক্ষী সষ্টম আছে আৰু ঘটি থকা ঘটনাবোৰক লৈ কোনো লোক ভয়াৰ্ত হোৱাৰ দৰকাৰ নাই।