নগাঁৱৰ চামগুৰিত আজি বিয়লি সংঘটিত এক শোকাৱহ পথ দুৰ্ঘটনাত এজন যুৱকে প্ৰাণ হেৰুৱাৰ লগতে এগৰাকী যুৱতীয়ে গুৰুতৰভাৱে আঘাটপ্ৰাপ্ত হ’ব লগীয়া হয়।
প্ৰাপ্ত তথা মতে নগাওঁ কুঠৰীৰ পৰা চামগুৰিৰ কাৱৈমাৰি অভিমুখে আহি থকা এ এছ-০১ এইছ- ০৯২১ নম্বৰৰ এখন দ্ৰুতবেগি মাৰুতি ৮০০ গাড়ীয়ে বাজিয়াগাঁত এ এছ- ১২ য়ু- ৭৬৩১ নম্বৰৰ এখন বাইকত খুন্দিওৱাৰ ফলতে উক্ত দুৰ্ঘটনাটো সংঘটিত হয়।
যাৰ ফলত বাইকখন চলাই অহা যুৱকজন থিতাতে নিহত হোৱাৰ লগতে তেওঁৰ সৈতে বাইকত উঠি অহা যুৱতী গৰাকী গুৰুতৰভাৱে আহত হয়। নিহত যুৱকজনক ৰূপহীহাটৰ পুঠিখাইটিৰ ব্যৱসায়ী ইমান হুছেইন বুলি চিনাক্ত হৈছে যদিও বাতৰি সংগ্ৰহৰ সময়লৈকে আহত যুৱতী গৰাকীক চিনাক্ত কৰিব পৰা হোৱা নাই।
বৰ্তমান আহত যুৱতী গৰাকীক উন্নত চিকিৎসাৰ বাবে নগাঁৱ অসামৰিক চিকিৎসালয়ত ভৰ্তি কৰোৱা হৈছে।