নাৰী সবলীকৰণ : দেউতাক আৰু স্বামীক ধন্যবাদ জনালে অভিনেত্ৰী দিপীকা পাডুকনে

বলিউডৰ অভিনেত্ৰী দিপীকা পাডুকন ‘নেচনেল কমিচন ফৰ ৱমেন’ৰ এটা কেম্পেইন ‘মেন ফৰ ৱমেন’ত জড়িত হৈ পৰিছে।

কেম্পেইনটোৰ অফিচিয়েল টুইটাৰ একাউণ্টত শ্বেয়াৰ কৰা এটা ভিডিঅ’ত  শেহতীয়াকৈ অভিনেত্ৰীগৰাকীয়ে তেওঁৰ জীৱনত প্ৰভাৱ পেলোৱা পুৰুষসকলৰ বিষয়ে কৈছে।

লিংগ সমতাৰ বাবে পুৰুষৰ সহযোগীতাৰ অত্যন্ত প্ৰয়োজন বুলি উল্লেখ কৰি তেওঁ দেউতাক আৰু স্বামীৰ সহযোগীতাৰ কথা উল্লেখ কৰে।

”মোৰ দেউতা, আৰু এতিয়া স্বামীৰ পৰা সীমাহীন চেনেহ লাভ কৰি মই নিজকে অত্যন্ত ভাগ্যৱান বুলি ভাবিছো।” দিপীকাই কয়- ”সেয়ে এই কথা আমি পাহৰা উচিত নহয় যে নাৰী সবলীকৰণৰ বাবে পুৰুষে সমান পৰিমাণৰ প্ৰয়োজনীয় ভূমিকা পালন কৰি আহিছে।”

Thank you @deepikapadukone for supporting our campaign #MenforWomen ! Men play an equally important role in women empowerment. Through this campaign, NCW aims to make men a part of the movement for #genderequality. pic.twitter.com/tuIQLW4V0s

— NCW (@NCWIndia) March 10, 2021

উল্লেখযোগ্য যে দিপীকা পাডুকনৰ দেউতাক হৈছে ভাৰতৰ প্ৰাক্তন বেডমিণ্টন খেলুৱৈ প্ৰকাশ পাডুকন।

নিজৰ জীৱনত দেউতাকৰ অৰিহণাৰ কথা অভিনেত্ৰীগৰাকীয়ে ইয়াৰ পূৰ্বেও কেইবাবাৰো প্ৰকাশ কৰি আহিছে।

আনহাতে বলিউডৰ জনপ্ৰিয় অভিনেতা ৰণবীৰ সিঙৰ স’তে দীপিকাই ২০১৮ চনৰ নৱেম্বৰত বিবাহপাশত আৱদ্ধ হৈছিল।

বিয়াৰ পাছতে ৰণবীৰে কৈছিল যে দীপিকা পাডুকন বিশ্বৰ ভিতৰতে এগৰাকী শ্ৰেষ্ঠ অভিনেত্ৰী।

”দীপিকাই নিজৰ ভিতৰতে প্ৰেম, সহানুভূতি, মমতা, বুদ্ধিমত্তা, সৌন্দৰ্যৰ এখন বিশ্বব্ৰহ্মাণ্ড লালন কৰি আহিছে।”- ৰণবীৰে এইদৰে কৈছিল।