দিল্লীৰ মুখ্যমন্ত্ৰী তথা আম আদমি পাৰ্টিৰ মুৰব্বী অৰবিন্দ কেজৰিৱালে বিজেপিৰ বিৰুদ্ধে ডাঙৰ ষড়যন্ত্ৰৰ অভিযোগ উত্থাপন কৰে। কেজৰিৰ দাবী যে দিল্লীত চৰকাৰ ভঙাৰ বাবে আপৰ নেতাসকলক টকাৰ লোভ দেখুৱাইছে বিজেপিয়ে।
কেজৰিৱালে অভিযোগ কৰে যে বিজেপিয়ে কমেও ৭ জন আপ বিধায়ক ক্ৰয় কৰিবলৈ চেষ্টা কৰিছিল। প্ৰত্যেককে ২৫ কোটি টকাৰ প্ৰলোভন দিয়া হৈছিল।
দিল্লী আবকাৰী দুৰ্নীতিৰ গোচৰত কেজৰিৱালক গ্ৰেপ্তাৰ কৰাৰ ভাবুকি দি আপৰ বিধায়কক ক্ৰয় কৰাৰ প্ৰয়াস কৰা হৈছে বুলি ছ’চিয়েল মিডিয়াত কেজৰিৱালে প্ৰকাশ কৰিছে।
লগতে পঢ়কঃ আন্তৰ্জাতিক ন্যায় আদালতৰ ৰায় নামানে ইজৰাইলে; সৰ্বাত্মক যুদ্ধৰ ঘোষণা নেতানিয়াহুৰ
পোষ্টটোত কোৱা হৈছে, “শেহতীয়াকৈ তেওঁলোকে (বিজেপি) আমাৰ সাতজন বিধায়কৰ সৈতে যোগাযোগ কৰিছিল। কৈছিল যে কেজৰিৱালক শীঘ্ৰে গ্ৰেপ্তাৰ কৰা হ’ব। তাৰপিছত আমাৰ বিধায়কসকলক ভাঙি নিব। আপৰ ২১জন বিধায়কৰ সৈতে কথা পাতিছে বুলিও তেওঁলোকে কৈছিল। বাকীবোৰৰ লগতো কথা পাতিছে। তাৰ পিছত দিল্লীত আম আদমী চৰকাৰ ভাঙি পেলাব বুলি কৈছিল। বিজেপিলৈ অহাসকলক ২৫ কোটি টকা আৰু নিৰ্বাচনী টিকট দিয়া হ’ব।”
অৱশ্যে কেজৰিৱালে কয় যে যি সাতজন বিধায়কক এই প্ৰস্তাৱ দিয়া হৈছিল সেই আটাইকেইজন বিধায়কে এই প্ৰস্তাৱ নাকচ কৰে।
লগতে পঢ়কঃ ভাৰতীয় ক্ৰিকেটাৰৰ দখলত দ্ৰুততম ত্ৰিশতকৰ অভিলেখ! সন্মুখত লাৰাৰ অভিলেখ ভঙাৰ সুযোগ
কেজৰিৱালে কয়, `ইয়াৰ অৰ্থ হ’ল দিল্লীৰ চৰকাৰ ভাঙিবলৈকে মোক গ্ৰেপ্তাৰ কৰিবলৈ চেষ্টা কৰিছে। আবকাৰী দুৰ্নীতি নহয়।‘
पिछले दिनों इन्होंने हमारे दिल्ली के 7 MLAs को संपर्क कर कहा है – “कुछ दिन बाद केजरीवाल को गिरफ़्तार कर लेंगे। उसके बाद MLAs को तोड़ेंगे। 21 MLAs से बात हो गयी है। औरों से भी बात कर रहे हैं। उसके बाद दिल्ली में आम आदमी पार्टी की सरकार गिरा देंगे। आप भी आ जाओ। 25 करोड़ रुपये देंगे…
— Arvind Kejriwal (@ArvindKejriwal) January 27, 2024
তাৰ পিছত তেওঁ লগতে কয়, `বিজেপিয়ে বিগত ৯ বছৰে এই চেষ্টা কৰি আহিছে। কিন্তু সফল হোৱা নাই। ভগৱান আৰু দিল্লীৰ জনসাধাৰণ আপৰ লগত আছে। আমাৰ বিধায়কসকলো একত্ৰিত। সেইবাবেই এইবাৰো তেওঁলোক বিফল হ’ল।‘
কেজৰিৱালে কয় যে দিল্লীত হোৱা ভাল কামৰ বাবেই বিজেপিৰ প্ৰচেষ্টা ব্যৰ্থ হৈছে।
