NEET আৰু CBSE পৰীক্ষাত হোৱা অনিয়মৰ অভিযোগ তুলি কেন্দ্ৰীয় শিক্ষামন্ত্ৰী ধৰ্মেন্দ্ৰ প্ৰধানৰ পদত্যাগৰ দাবীত দিল্লীৰ যন্তৰ-মন্তৰত ককৰোচ জনতা পাৰ্টীয়ে এক বিশাল প্ৰতিবাদ সাব্যস্ত কৰে। জেনেৰেচন জেডে নেতৃত্ব দিয়া এই ককৰোচ জনতা পাৰ্টীৰ প্ৰতিষ্ঠাপক অভিজিত দিপকেই দিল্লীৰ যন্তৰ-মন্তৰত এই প্ৰতিবাদৰ নেতৃত্ব দিয়ে। ইয়াৰ মাজতে এক ডাঙৰ খবৰ পোহৰলৈ আহিছে যে অভিজিত দিপকেই যন্তৰ-মন্তৰৰ পৰাই মোডী চৰকাৰক এক সময়সীমা বান্ধি দিছে। তেওঁ কয় যে কেন্দ্ৰীয় শিক্ষামন্ত্ৰী ধৰ্মেন্দ্ৰ প্ৰধানে সন্ধিয়া ৫ বজাৰ ভিতৰত নিজৰ পদত্যাগ পত্ৰ দাখিল কৰিব লাগিব। যদিহে তেওঁ পদত্যাগ নকৰে, তেন্তে প্ৰতিবাদকাৰীসকল পিছহুহকি নাযায় আৰু অহা শনিবাৰে পুনৰ একত্ৰিত হৈ নিজ নিজ চহৰত ইয়াৰ বিৰুদ্ধে তীব্ৰ আন্দোলন গঢ়ি তুলিব। ইফালে দিল্লী বিমানবন্দৰৰ বিতৰ্কক লৈও ককৰোচ জনতা পাৰ্টীয়ে নিজৰ স্থিতি স্পষ্ট কৰি ভিআইপি ব্যৱস্থা লোৱাৰ দাবীক সম্পূৰ্ণ ভুৱা বুলি অভিহিত কৰিছে।
এই প্ৰতিবাদী কাৰ্যসূচীত পাছলৈ সমাজকৰ্মী সোণম ৱাংচুকেও অংশগ্ৰহণ কৰে। তেওঁ কয় যে শিক্ষামন্ত্ৰীৰ পদত্যাগৰ দাবীটো কেৱল এক আৰম্ভণিহে, তেওঁলোকৰ আচল লক্ষ্য হৈছে সমগ্ৰ শিক্ষা ব্যৱস্থাটোৰ সংস্কাৰ সাধন কৰা। তেওঁৰ মতে, পৰীক্ষাৰ খেলিমেলি আৰু প্ৰশ্নকাকত ফাদিল হোৱাটো এটা অতি ডাঙৰ সমস্যাৰ লক্ষণহে। সমগ্ৰ শিক্ষাব্যৱস্থাত স্বচ্ছতা, জবাবদিহিতা আৰু সকলোৰে বাবে গুণগত শিক্ষা নিশ্চিত কৰিবলৈ এক ব্যাপক পৰিৱৰ্তনৰ প্ৰয়োজন আছে।
প্ৰতিবাদৰ সময়ছোৱাত দিল্লী আৰক্ষীয়ে যন্তৰ-মন্তৰত দুটা গোটৰ মাজত হ’বলগা সম্ভাৱ্য সংঘাত ৰোধ কৰিবলৈ ৬ জন লোকক আটক কৰে। আৰক্ষীৰ মতে, অনলাইন আন্দোলনৰ সমৰ্থক আৰু বিৰোধীসকলৰ মাজত উত্তেজনা বৃদ্ধি পোৱাৰ সম্ভাৱনা থকা বুলি আগতীয়াকৈ তথ্য পোৱা গৈছিল। যাৰ বাবে আইন-শৃংখলা বজাই ৰাখিবলৈ সতৰ্কতামূলক ব্যৱস্থা হিচাপে এই লোকসকলক জিম্মাত লোৱা হয়। আৰক্ষী বিষয়াৰ তৎপৰতাৰ বাবে পৰিস্থিতি সম্পূৰ্ণ নিয়ন্ত্ৰণত থাকে আৰু কোনো ডাঙৰ অপ্ৰীতিকৰ ঘটনা নোহোৱাকৈয়ে সমগ্ৰ প্ৰতিবাদী কাৰ্যসূচী শান্তিপূৰ্ণভাৱে সমাপ্ত হয়।
