ডেনমাৰ্কে প্ৰথমবাৰৰ বাবে সেনাবাহিনীত মহিলাসকলৰ বাবে বাধ্যতামূলক সামৰিক সেৱা প্ৰৱৰ্তনৰ পৰিকল্পনা ঘোষণা কৰিছে। একে সময়তে সেনাবাহিনীত বাধ্যতামূলক সেৱাৰ সময়সীমাও বৃদ্ধি কৰা হ’ব।
ডেনমাৰ্কত এতিয়া কেৱল পুৰুষৰ বাবে বাধ্যতামূলকভাৱে সৈনিক হিচাপে নিযুক্তি দিয়া হয়। অৰ্থাৎ দেশৰ মহিলাসকলে নিজৰ ইচ্ছামতে সেনাবাহিনীত যোগদান কৰিব পাৰে। কিন্তু এইবাৰ ডেনমাৰ্ক চৰকাৰে ২০২৬ চনৰ পৰা মহিলাসকলৰ বাবে বাধ্যতামূলক সামৰিক সেৱাৰ নিয়ম কাৰ্যকৰী কৰাৰ পৰিকল্পনা কৰিছে।
এই আইন কাৰ্যকৰী হ’লে ডেনমাৰ্ক হ’ব ইউৰোপৰ তৃতীয়খন দেশ যিয়ে মহিলাৰ সামৰিক বাহিনীত যোগদান কৰাটো বাধ্যতামূলক কৰি তুলিব। বাকী দুখন দেশ হ’ল নৰৱে আৰু ছুইডেন।
লগতে পঢ়কঃ বিস্ময়! ৭০ বছৰ ধৰি লোহাৰ হাওঁফাওঁ লৈ জীৱন কটোৱা পল আলেকজেণ্ডাৰৰ মৃত্যু
ডেনমাৰ্কৰ প্ৰধানমন্ত্ৰী মেটে ফ্ৰেডেৰিকচেনে যোৱা বুধবাৰে সেনাৰ নিযুক্তি নিয়ম সংস্কাৰৰ পৰিকল্পনা ঘোষণা কৰি কয় যে “চৰকাৰে লিংগ সমতা নিশ্চিত কৰাৰ বাবে সম্পূৰ্ণৰূপে প্ৰতিশ্ৰুতিবদ্ধ”।
ডেনমাৰ্কত এতিয়া চাৰি মাহৰ বাবে সেনাবাহিনীত বাধ্যতামূলক সেৱা। দেশৰ চৰকাৰেও এই সময়সীমা ১১ মাহলৈ বৃদ্ধি কৰাৰ কথা চিন্তা কৰিছে।
স্ক্যাণ্ডিনেভিয়ান দেশখনে প্ৰতিৰক্ষা বাজেট বৃদ্ধিৰ বাবেও চেষ্টা চলাইছে। নাটোৱে নিজৰ লক্ষ্য পূৰণৰ বাবে অহা পাঁচ বছৰত প্ৰতিৰক্ষা ব্যয় প্ৰায় ৬ বিলিয়ন ডলাৰলৈ বৃদ্ধি কৰিব বিচাৰিছে।
ডেনমাৰ্কৰ প্ৰধানমন্ত্ৰী মেট ফ্ৰেডেৰিকচেনে কয় যে `আমি নিজকে নতুন অস্ত্ৰৰে সজ্জিত কৰিছো, কিন্তু তাৰ অৰ্থ এইটো নহয় যে আমি যুদ্ধ বিচাৰো। আমি নিজকে অস্ত্ৰৰে সজ্জিত কৰিছো কাৰণ আমি ইয়াক (যুদ্ধ) এৰাই চলিব বিচাৰো।’
লগতে পঢ়কঃ শ্বেয়াৰ বজাৰত বৃহৎ পতন; আদানীৰ ৬৬ হাজাৰ কোটি, আম্বানীৰ ৩০ হাজাৰ কোটিৰ লোকচান!
যোৱা বছৰ ডেনমাৰ্কত ৪৭০০ লোকে সেনাবাহিনীত যোগদান কৰিছিল। ইয়াৰে প্ৰায় ২৫ শতাংশ মহিলা। এই সংখ্যা বছৰি ৫ হাজাৰলৈ বৃদ্ধি কৰাৰ পৰিকল্পনা কৰা হৈছে।
ডেনমাৰ্কৰ জনসংখ্যা প্ৰায় ৬০ লাখ। দেশৰ সামৰিক বাহিনীত বৰ্তমান প্ৰায় ২০ হাজাৰ সক্ৰিয় সদস্য আছে। তাৰ ভিতৰত পেছাদাৰী জোৱানৰ সংখ্যা প্ৰায় ৯ হাজাৰ।
২০২২ চনৰ ফেব্ৰুৱাৰী মাহত ৰাছিয়াই ইউক্ৰেইন আক্ৰমণ আৰম্ভ কৰাৰ পিছৰে পৰা ইউৰোপত উত্তেজনা বৃদ্ধি পাইছে। ইউক্ৰেইনক সমৰ্থন কৰা দেশসমূহৰ ভিতৰত ডেনমাৰ্ক অন্যতম। দেশখনে ইউক্ৰেইনক অত্যাধুনিক অস্ত্ৰ-শস্ত্ৰ আৰু ধন যোগান ধৰিছে। ডেনমাৰ্কে ইউক্ৰেইনৰ পাইলটসকলক আমেৰিকাত নিৰ্মিত এফ-১৬ যুদ্ধ বিমান কেনেকৈ উৰুৱাব লাগে সেই বিষয়ে প্ৰশিক্ষণ দিছে।
লগতে পঢ়কঃ কুকুৰৰ পৰা সাৱধান! ভাৰতত নিষিদ্ধ হ’ল পিটবুলকে ধৰি হিংস্ৰ কুকুৰ বিক্ৰী; আপোনাৰো আছে নেকি?
সামৰিক মিত্ৰজোঁট নাটোৱে ৰাছিয়া-ইউক্ৰেইন যুদ্ধৰ ওপৰত গুৰুত্ব আৰোপ কৰি ইউৰোপত নিজৰ প্ৰতিৰক্ষা খণ্ড শক্তিশালী কৰিব বিচাৰিছে। শেহতীয়াকৈ ফিনলেণ্ড আৰু ছুইডেনে নাটোত যোগদান কৰিছে।
