শিৱসাগৰত চলি থকা লক্ষ লক্ষ টকাৰ পাৰ্কিং চিণ্ডিকেটৰ দণ্ডাধীশ পৰ্য্যায়ৰ তদন্তৰ নিৰ্দেশ দিছে শিৱসাগৰ জিলা উপায়ুক্তই।
শিৱসাগৰত সংঘটিত গধুৰ বাহনৰ পাৰ্কিঙৰ নামত চলি থকা চিণ্ডিকেটৰ বিষয়ে সংবাদ মাধ্যমত বাতৰি প্ৰচাৰ হোৱাত অৱশেষত গা লৰিল শিৱসাগৰ জিলা প্ৰশাসনৰ।
উল্লেখ্য যে শিৱসাগৰ পৌৰসভাই আহ্বান কৰা নিবিদাৰ জড়িয়তে ডাঙৰ গাড়ীৰ পাৰ্কিং লাভ কৰা এটা জাতীয় সংগঠনৰ নেতা ৰিদিপ ডেকাই প্ৰতিখন গাড়ীৰ পৰা ১০ গুণ পৰ্যন্ত পাৰ্কিঙৰ নামত ধন সংগ্ৰহ কৰিছিল। যাক লৈ শিৱসাগৰত তীব্ৰ প্ৰতিক্ৰিয়াৰ সৃষ্টি হৈছিল।
অৱশেষত আজি শিৱসাগৰ জিলা উপায়ুক্ত বিষ্ণু কমল বৰাই দণ্ডাধীশ পৰ্য্যায়ৰ তদন্ত ঘোষণা কৰে।
দণ্ডাধীশ জীৱন কৃষ্ণ গোস্বামীক তদন্তৰ দায়িত্ব অৰ্পন কৰা হৈছে।
উপায়ুক্ত বিষ্ণু কমল বৰাই লগতে ঘোষণা কৰে যে শিৱসাগৰ আৰক্ষী দ্বাৰাও চিণ্ডিকেটৰ তদন্ত কৰা হব।