নতুন বছৰৰ আৰম্ভণিৰ সৈতে আমাৰ শৰীৰক সুস্থ আৰু বিষমুক্ত কৰি ৰখাটো অতি জৰুৰী। বিশেষকৈ বৰষুণৰ দিনত বা উৎসৱৰ সময়ত অত্যধিক জাংক ফুড, প্ৰচেছড খাদ্য বা ভোজনৰ ফলত পেটৰ সমস্যা যেনে গেছ, এচিডিটি, আৰু হজমৰ সমস্যাৰ সৃষ্টি হ’ব পাৰে। এনে সময়ত ঘৰতে তৈয়াৰ কৰা কিছু স্বাস্থ্যকৰ ডিটক্স পানীয়ৰ সহায়ত শৰীৰৰ পৰা বিষাক্ত পদাৰ্থ আঁতৰাই পেট সুস্থ কৰি ৰাখিব পাৰি। পুষ্টিবিদ চম্পা চক্ৰৱৰ্তীৰ মতে, “ডিটক্সৰ অৰ্থ হ’ল শৰীৰৰ পৰা দূষিত পদাৰ্থ আঁতৰোৱা। অত্যধিক প্ৰচেছড খাদ্য, মদ্যপান বা অন্যান্য ক্ষতিকাৰক পদাৰ্থৰ ফলত শৰীৰত বিষ জমা হয়, যিয়ে গেছ, এচিডিটি আৰু হৃদযন্ত্ৰৰ সমস্যাৰ সৃষ্টি কৰে।”
এই সমস্যাৰ পৰা পৰিত্ৰাণ পাবলৈ ঘৰতে তৈয়াৰ কৰক এই সহজ ডিটক্স পানীয়সমূহ:
১. নেমুৰ ডিটক্স পানী
নেমুৰ ডিটক্স পানী তৈয়াৰ কৰাটো অতি সহজ আৰু ই শৰীৰক হাইড্ৰেট কৰাৰ লগতে বিষাক্ত পদাৰ্থ আঁতৰোৱাত সহায় কৰে।
উপকৰণ আৰু প্ৰস্তুত প্ৰণালী:
– এটা নেমু টুকুৰা টুকুৰকৈ কাটি লওক।
– কেইটামান পদিনা পাত সৰু সৰুকৈ কাটক।
– এটা কাঁচৰ পাত্ৰত পৰ্যাপ্ত পানী লৈ তাত নেমুৰ ৰস আৰু কেইটামান নেমুৰ টুকুৰা দিয়ক।
– ইচ্ছা কৰিলে এমুঠি পদিনা পাত মিহলাব পাৰে।
– এই মিশ্ৰণটো গোটেই ৰাতি তিয়াই ৰাখক আৰু পিছদিনা ৰাতিপুৱা খাওক।
২. পদিনা ডিটক্স পানী
পদিনাৰ ডিটক্স পানীয়ে কেৱল ওজন কমোৱাত সহায় কৰাই নহয়, ইয়াৰ এন্টিঅক্সিডেন্ট গুণে শৰীৰক ৰোগৰ পৰা ৰক্ষা কৰে আৰু ৰোগ প্ৰতিৰোধ ক্ষমতা বৃদ্ধি কৰে।
উপকৰণ আৰু প্ৰস্তুত প্ৰণালী:
– পদিনা পাত, ধনীয়া পাত, এলোভেৰা, ডালচেনি, গোটা হালধী, আৰু সামান্য নিমখ দি একেলগে পানীত তিয়াই ৰাখক।
– এই পানীয় ৰাতিপুৱা খালে শৰীৰৰ পৰা বিষাক্ত পদাৰ্থ আঁতৰোৱাত সহায় কৰে।
৩. আমলখিৰ ডিটক্স ৰস
আমলাৰ ৰসত প্ৰচুৰ পৰিমাণে ভিটামিন চি আৰু এন্টিঅক্সিডেন্ট থাকে, যিয়ে হজম শক্তি উন্নত কৰাৰ লগতে বিপাকীয় ক্ৰিয়া বৃদ্ধি কৰে।
উপকৰণ আৰু প্ৰস্তুত প্ৰণালীঃ
– আমলখি পিহি লওক।
– তাৰ লগত অলপ পানী, আৰু চেনি মিহলাই লওক।
– এই পানীয় নিয়মিত খালে শৰীৰৰ পৰা দূষিত পদাৰ্থ আঁতৰোৱাত সহায় কৰে।
৪. আজৱাইন-জিৰাৰ পানী
যিসকলৰ গেছ বা এচিড ৰিফ্লাক্সৰ সমস্যা বেছি, তেওঁলোকৰ বাবে আজৱাইন-জিৰাৰ পানী অতি উপকাৰী।
উপকৰণ আৰু প্ৰস্তুত প্ৰণালী:
– দুকাপ পানীত এচামুচ আজৱাইন আৰু এচামুচ গোটা জিৰা দি উতলাওক।
– পানী উতলিলে গেছ বন্ধ কৰি কিছু সময়ৰ বাবে ঢাকি ৰাখক।
– ঠাণ্ডা হ’লে এই পানী ছেকি খাওক।
৫. পদিনা আৰু ধনীয়াৰ ৰস
পেটৰ বিষ, গেছ, এচিডিটি বা হজমৰ সমস্যাৰ বাবে এই পানীয় অতি ফলপ্ৰদ।
উপকৰণ আৰু প্ৰস্তুত প্ৰণালী:
– ব্লেণ্ডাৰত এমুঠি পদিনা পাত আৰু ধনীয়া পাত একেলগে মিহলি কৰক।
– এটা ছেকনিৰ সহায়ত ৰস ছেকি লওক।
– ৰাতিপুৱা খালি পেটত এই ৰস খাওক। ইচ্ছা কৰিলে সামান্য মৌ আৰু নেমুৰ ৰস মিহলাব পাৰে।
এই ডিটক্স পানীয়সমূহে শৰীৰৰ পৰা বিষাক্ত পদাৰ্থ আঁতৰোৱাৰ লগতে পেট ফুলা, এচিডিটি, আৰু হজমৰ সমস্যাৰ পৰা সকাহ দিয়ে। এই পানীয়সমূহ নিয়মিত সেৱন কৰিলে শৰীৰৰ ৰোগ প্ৰতিৰোধ ক্ষমতা বৃদ্ধি পায় আৰু সামগ্ৰিক স্বাস্থ্যৰ উন্নতি হয়।
নতুন বছৰত সুস্থ জীৱনৰ প্ৰতিশ্ৰুতি লৈ এই সহজ ডিটক্স পানীয়সমূহৰ সহায়ত আপোনাৰ শৰীৰক বিষমুক্ত কৰক আৰু সতেজ জীৱনৰ আৰম্ভণি কৰক।
