ডিব্ৰুগড় জিলা প্ৰাশসনে জিলাখনৰ চাহ বাগিচাৰ মালিক সকলক ৭ অক্টোবৰৰ ভিতৰত বাগিচা সমূহৰ শ্ৰমিকক পূজাৰ বোনাচ আদায় দিবলৈ নিৰ্দেশ দিয়ে।
উল্লেখযোগ্য যে মঙলবাৰে ডিব্ৰুগড় জিলা উন্নয়ন বিষয়া যাদৱ শইকীয়াৰ সভাপতিত্বত এখন ত্ৰিপাঠিক বৈঠক অনুষ্ঠিত হয়। আৰু এই বৈঠকতে বাগিচাৰ শ্ৰমিক সকলে ২০ ছেপ্টেম্বৰৰ ভিতৰত পূজা বানচৰ বানচৰ পৰিমাণৰ বিষয়ে জনাবৰ বাবে আহ্বান জনায়।
এই ত্ৰিপাক্ষিক বৈঠকত অসম চাহ মজদূৰ সংঘ, আচাম ব্ৰান্স ইণ্ডিয়া টি এছ’চিয়েশ্যনকে ধৰি বহু কেইটা সংগঠনে অংশ গ্ৰহণ কৰে। ইফালে এই বৈঠকতে চাহ ঔদ্যোগিক সকলে পূৰ্বতে হাতে হাতে বানচ দিয়া নিয়মৰ সলনি এইবাৰ ডিজিটেল পদ্ধতিৰে দিয়াৰ সিদ্ধান্ত গ্ৰহণ কৰে।
আনহাতে এই বৈঠকতে অসম চাহ মজদূৰ সংঘই বাগিচাৰ শ্ৰমিক সকলক দুৰ্গা পূজা আৰম্ভ হোৱা তিনি সপ্তাহৰ আগতে বানচ আদায় দিবৰ বাবে আহ্বান জনায়। লগতে ২০ শতাংশ কৈ বাগিচাৰ শ্ৰমিক সকলক বানচ দিবলৈও আহ্বান জনায়।