নগাঁৱৰ আৰক্ষী নিৱেশত অনুষ্ঠিত ২১ সংখ্যক অসম ৰাজ্যিক যোগ ক্ৰীড়া প্ৰতিযোগিতাত ডিব্ৰুগড়ৰ গীতালি গগৈয়ে দ্বিতীয় স্থান দখলেৰে ৰূপৰ পদক পাবলৈ সক্ষম হৈছে।
যোৱা ৭ৰ পৰা ৯ আগষ্টলৈকে আয়োজিত প্ৰতিযোগিতাখনত পদক আৰ্জিবলৈ সক্ষম হোৱা গগৈ স্বামী শিৱানন্দ যোগজ্যোতি মহাবিদ্যালয় আৰু শিৱানন্দ যোগ ষ্টুডিঅ’, ডিব্ৰুগড়ৰ ছাত্ৰী।
ডিব্ৰুগড় লাচিত নগৰৰ প্ৰভাত গগৈ আৰু পুৰৱী গগৈৰ জীয়ৰী গীতালি পঞ্জাৱৰ পাতিয়ালাত অনুষ্ঠিত হ’ব লগা ৪৩ সংখ্যক ৰাষ্ট্ৰীয় যোগ ক্ৰীড়া প্ৰতিযোগিতালৈকো বাচনি হৈছে।
আনহাতে ডিব্ৰুগড়ৰ খলিহামাৰীৰ আন এগৰাকী যোগ ছাত্ৰী দীপা দাসগুপ্তা সেন নিৰ্বাচিত হৈছে আন এখন ৰাষ্ট্ৰীয় যোগ প্ৰতিযোগিতালৈ। কৰিমগঞ্জত শেহতীয়াকৈ অনুষ্ঠিত হোৱা ১৮ সংখ্যক উত্তৰ-পূব যোগাসন প্ৰতিযোগিতাত বাচনিকৃত দীপা কলকাতাত অনুষ্ঠিত হ’ব লগা ৰাষ্ট্ৰীয় যোগ প্ৰতিযোগিতা ২০১৮লৈ নিৰ্বাচিত হৈছে।
