দেশৰ কেইবাখনো ৰাজ্যত আজি পুৱা ৮ বজাৰ পৰা আৰম্ভ হৈছে ভোটগণনা।
অসমক বাদ দি বাকী আটাইকেইখন ৰাজ্যতে বিজেপিয়ে ভাল ফলাফল দেখুৱাবলৈ সক্ষম হোৱা নাইষ পশ্চিমবংগত তৃণমূল কংগ্ৰেছে পুনৰ চৰকাৰ গঠনৰ দিশে আগবাঢ়িছে।
একেদৰে তামিলনাডুতো ডিএমকে দলে চৰকাৰ গঠন কৰাটো প্ৰায় নিশ্চিত হৈ হৈ পৰিছে।
এনে সময়তে নিৰ্বাচন আয়োগৰ নিৰ্দেশনা উলংঘা কৰি পশ্চিমবংগ আৰু তামিলনাডুত তৃণমূল কংগ্ৰেছ তথা ডিএমকে দলৰ শ শ সমৰ্থকে ৰাজপথলৈ ওলাই আহি বিজয় উল্লাস কৰা পৰিলক্ষিত হৈছে।
ক’ৰ’নাতংকৰ বাবেই নিৰ্বাচন আয়োগে এইবাৰ বিজয় উৎসৱ পালন নকৰিবলৈ নিৰ্দেশ দিছিল। আনকি বিজয়া প্ৰাৰ্থীৰ লগতো কেৱল মাত্ৰ দুজনকৈ লোকহে থকাৰ অনুমতি দিয়া হৈছিল।
কিন্তু পশ্চিমবংগ আৰু তামিলনাডুৰ বহু ঠাইত তৃণমূল কংগ্ৰেছ আৰু ডিএমকেৰ বহু সমৰ্থকে নিৰ্বাচন আয়োগৰ সেই নিষেধাজ্ঞা উলংঘা কৰা পৰিলক্ষিত হৈছে।
উল্লেখ্য তামিলনাডুত ডিএমক্ইে ৯৮ খন আসনত অগ্ৰগতি লাভ কৰাৰ বিপৰীতে এআইডিএমকে দলে ৮১ খন আসনত অগ্ৰগতি লাভ কৰিছে।
পশ্চিমবংগত তৃণমূল কংগ্ৰেছে ২০২ খন আসনত অগ্ৰগতি লাভ কৰাৰ বিপৰীতে বিজেপিয়ে মাত্ৰ ৭৭ খন আসনত আগবাঢ়ি আছে।
