চিকিৎসকসকলে চিকিৎসা বিজ্ঞানৰ স্নাতকোত্তৰ মহলাৰ প্ৰৱেশ পৰীক্ষা দুটা বেলাত অনুষ্ঠিত কৰা পদ্ধতি বাতিল কৰিবলৈ কেন্দ্ৰীয় স্বাস্থ্য মন্ত্ৰণালয়ৰ ওচৰত আহ্বান জনাইছে, এই পদ্ধতিৰ মাজত স্বচ্ছতাৰ অভাৱ আৰু অন্যায়ৰ অভিযোগ উত্থাপন কৰিছে। ৰাষ্ট্ৰীয় চিকিৎসা বিজ্ঞান পৰীক্ষা ব’ৰ্ডে (NBEMS) ২০২৫ চনৰ ১৫ জুনত পৰীক্ষা দুটা বেলাত—পুৱা ৯:০০ৰ পৰা দুপৰীয়া ১২:৩০ আৰু বিয়লি ৩:৩০ৰ পৰা সন্ধিয়া ৭:০০ বজালৈ—অনুষ্ঠিত কৰাৰ সিদ্ধান্ত লৈছে। ইণ্ডিয়ান মেডিকেল এছ’চিয়েশ্যন জুনিয়ৰ ডাক্তৰ নেটৱৰ্কৰ (IMA-JDN) প্ৰতিনিধি চিকিৎসক সকলে কয় যে এই পদ্ধটিৰে চিকিৎসা বিজ্ঞানৰ স্নাতকোত্তৰ মহলাৰ প্ৰৱেশ পৰীক্ষাত সমস্যাৰ সৃষ্টি কৰিছিল ।
এন ই ই টি পিজি ২০২৪, ১৭০খন চহৰত দুটা বেলাত অনুষ্ঠিত হৈছিল, তাত চিকিৎসকসকলে জনাইছিল যে দ্বিতীয় বেলাৰ পৰীক্ষা প্ৰথম বেলাতকৈ বহু কঠিন আছিল, যাৰ ফলত নম্বৰ আৰু ৰেংকিং অসমান হৈছিল। নম্বৰৰ ভাৰসাম্য ৰক্ষাৰ বাবে ব্যৱহৃত প্ৰক্ৰিয়াত স্বচ্ছতাৰ অভাৱৰ বাবে সমালোচনাৰ সন্মুখীন হৈছিল, যাৰ ফলত পৰীক্ষাৰ্থীৰ মাজত বিভ্ৰান্তি আৰু নিৰুৎসাহৰ সৃষ্টি হৈছিল।
IMA-JDNএ উল্লেখ কৰিছে যে পৰীক্ষাৰ্থীসকলক উত্তৰৰ চাবি বা সঁহাৰি পত্ৰৰ প্ৰৱেশাধিকাৰ দিয়া হোৱা নাছিল, যাৰ বাবে প্ৰক্ৰিয়াটো অন্যায় যেন লাগিছিল। IMA-JDNৰ ৰাষ্ট্ৰীয় সম্পাদক ডা০ ইন্দ্ৰনিল দেশমুখে কয় যে ২ লাখ এন ই ই টি পিজি আকাংক্ষীয়ে ২০২৫তো একেধৰণৰ সমস্যাৰ সন্মুখীন হ’ব বুলি আশংকা কৰিছে। তেওঁ কৰ্তৃপক্ষক এবালেতে ন্যায্য আৰু স্বচ্ছ পৰীক্ষাৰ ব্যৱস্থা কৰিবলৈ আৰু সকলো জিলাত পৰীক্ষা কেন্দ্ৰ বৃদ্ধি কৰিবলৈ আহ্বান জনাইছে।
যোৱা বছৰ NBEMSএ সময়ৰ অভাৱ আৰু নিৰাপত্তাৰ প্ৰট’কলৰ চিন্তাৰ বাবে দুটা বেলাত অনুষ্ঠিত কৰাৰ বাবে ন্যায্যতা প্ৰদান কৰিছিল, কিন্তু চিকিৎসকসকলে কয় যে ২০২৫ৰ বাবে তেনে কোনো লজিষ্টিক সমস্যা নাই, তথাপিও ডাবল শিফ্টৰ সিদ্ধান্ত বৰ্তী আছে। ২০২৪ৰ দ্বিতীয় বেলাৰ কিছু পৰীক্ষাৰ্থীয়ে উচ্চতম ন্যায়ালয়ত স্বাভাৱিককৰণৰ সূত্ৰক ত্ৰুটিপূৰ্ণ বুলি প্ৰত্যাহ্বান জনাইছিল আৰু অভিযোগ কৰিছিল যে ই তেওঁলোকৰ প্ৰতি অবিচাৰ কৰিছে। পৰীক্ষা প্ৰক্ৰিয়াৰ বিশ্বাসযোগ্যতা পুনৰুদ্ধাৰৰ বাবে চিকিৎসকসকলে এবেলা পৰীক্ষা, স্বচ্ছ নম্বৰ গণনা আৰু অধিক পৰীক্ষা কেন্দ্ৰৰ দাবী জনাইছে।
