চিৰাং জিলাত আৰক্ষীৰ অভিযানত আন এগৰাকী ড্ৰাগছ সৰবৰাহকাৰী গ্ৰেপ্তাৰ হোৱাৰ লগতে নিচাযুক্ত সামগ্ৰী উদ্ধাৰ কৰা হয়।
মঙলবাৰে দুপৰীয়া চিৰাং জিলা আৰক্ষীয়ে ঢালিগাঁও অঞ্চলত নিচাযুক্ত সামগ্ৰীৰ বিৰুদ্ধে চলোৱা অভিযানৰ সময়ত ড্ৰাগছ সৰবৰাহকাৰী গৰাকী গ্ৰেপ্তাৰ হোৱাৰ লগতে নিচাযুক্ত সামগ্ৰীখিনি উদ্ধাৰ কৰা হয়।
গ্ৰেপ্তাৰ হোৱা ড্ৰাগছ সৰবৰাহকাৰী গৰাকী আলি আকবৰ (৩৬) বুলি চিনাক্ত কৰা হয়।
আলি আকবৰে আৰক্ষীৰ প্ৰাথমিক তদন্তত অঞ্চলটোত দীৰ্ঘদিনৰ পৰা ড্ৰাগছৰ সৰবৰাহ কৰি আহিছে বুলি স্বীকাৰ কৰে।
আনহাতে, অভিযানকালত আৰক্ষীৰ দলটোৱে আঠটা প্লাষ্টিকৰ পাত্ৰত ভৰাই থোৱা অৱস্থাত সন্দেহযুক্ত নিচাজাতীয় সামগ্ৰীৰ লগতে দুটা মোবাইল হেণ্ডছেট আৰু ৩৩৪০ টকা উদ্ধাৰ কৰে।
তদুপৰি এ এছ ১৬ জি ৫৯৬৪ নম্বৰৰ এখন মটৰ চাইকেলো আৰক্ষীয়ে জব্দ কৰিবলৈ সক্ষম হয় বুলি জানিবলৈ দিয়ে।