বঙাইগাঁও চহৰৰ নিউ বঙাইগাঁও টুনীয়াপাৰ বজাৰৰ পৰা আৰক্ষীয়ে ড্ৰাগছসহ দুজন সৰবৰাহকাৰীক আটক কৰিছে ৷
গোপন সূত্ৰৰ পম খেদি নিউ বঙাইগাঁও আৰক্ষীয়ে আটক কৰা ড্ৰাগছ সৰবৰাহকাৰী দুজন ছহিদুল ইছলাম আৰু মণিৰুল ইছলাম বুলি আৰক্ষীয়ে জানিবলৈ দিছে ৷
আটকাধীন ড্ৰাগছ সৰবৰাহকাৰী দুজনৰ পৰা আৰক্ষীয়ে ড্ৰাগছসহ পাঁচটা কণ্টেইনাৰ , এটা মোবাইল, হেড ফোন আৰু কিছু নগদ ধন জব্দ কৰে ৷
কণ্টেইটাৰ কেইটাত ৬. ০৯ গ্ৰাম ব্ৰাউন চুগাৰ আছিল ৷ আৰক্ষীয়ে ইতিমধ্যে আটকাধীন ড্ৰাগছ সৰবৰাহকাৰী দুজনৰ বিৰুদ্ধে বঙাইগাঁও সদৰ থানাত এক গোচৰ ৰুজু কৰি তদন্ত অব্যাহত ৰাখিছে ৷
আটকাধীন দুই যুৱক বঙাইগাঁও চহৰৰ মাদ্ৰাজী পট্টিত থাকে বুলি জানিব দিছে আৰক্ষীয়ে ৷