তৃতীয় পৰ্যায়ৰ নিৰ্বাচনৰ ভোটগ্ৰহণ উপলক্ষ্যে কামৰূপ মহানগৰ জিলা প্ৰশাসনে ড্ৰাই ডে ঘোষণা কৰিছে।
সেইমৰ্মে ৪ এপ্ৰিলৰ সন্ধিয়া ৬ বজাৰ পৰা ৬ এপ্ৰিলৰ সন্ধিয়া ৬ বজালৈ কামৰূপ মহানগৰ জিলাৰ সকলো ৱাইন শ্বপ, বাৰ আদি বন্ধ থাকিব।
নিৰ্বাচন যাতে সুচাৰুৰূপে সম্পন্ন হয় তাৰ প্ৰতি লক্ষ্য ৰাখি জিলা প্ৰশাসনে ড্ৰাই ডে’ ঘোষণা কৰিছে। লগতে ২ মে’তো নিৰ্বাচনৰ ভোট গণনা আৰু ফলাফলৰ ঘোষণাৰ প্ৰতি লক্ষ্য ৰাখি ড্ৰাই ডে’ ঘোষণা কৰিছে।
ড্রাই ডে’ ঘোষণা কৰা সময়ছোৱাত দেশী-বিদেশী সুৰাৰ প্ৰচলন সম্পূৰ্ণৰূপে নিষিদ্ধ কৰাৰ লগতে জিলাখনৰ সুৰাৰ সকলো বিপণী, বাৰ, ক্লাব, ব’ণ্ডেড বেৰহাউছ, দেশীয় সুৰাৰ দোকান-মহল সমূহ বন্ধ থাকিব।
তাৰোপৰি ড্ৰাই ডে’ৰ সময়ছোৱাত অনুজ্ঞাপত্ৰ নথকা চৌহদত কোনো ব্যক্তি বা গোটে সুৰা মজুত ৰাখিব নোৱাৰিব। আৰু নিষেধাজ্ঞা ভংগ কৰিলে অসম আবকাৰী আইন আৰু বিধি অনুযায়ী দণ্ডনীয় হ’ব।