কেইৰ্ণ অইল এণ্ড গেছৰ উদ্যোগত এইবাৰ গোলাঘাট জিলাত অতি উলহ-মালহেৰে ধৰিত্ৰী দিৱস উদযাপন কৰা হয়। এই বছৰৰ ধৰিত্ৰী দিৱসৰ মূল বিষয়বস্তু আছিল আৱাৰ পাৱাৰ, আৱাৰ প্লেনেট। এই বিষয়বস্তুক আগত ৰাখিয়েই গোলাঘাটৰ বৰচাপৰি কমিউনিটি চেণ্টাৰ আৰু কেইৰ্ণৰ হাজাৰীগাঁও ক্ষেত্ৰত এক বৃহৎ বৃক্ষৰোপণ কাৰ্যসূচী ৰূপায়ণ কৰা হয়। স্থানীয় ৰাইজ আৰু প্ৰতিষ্ঠানটোৰ কৰ্মচাৰীসকলে একেলগে মিলি এই কাৰ্যসূচীত অতি উৎসাহেৰে অংশগ্ৰহণ কৰে। পৰিৱেশ সুৰক্ষা আৰু ৰাইজৰ সামগ্ৰিক উন্নয়নৰ প্ৰতি কেইৰ্ণৰ যি দায়বদ্ধতা আছে, সেয়া এই সমূহীয়া পদক্ষেপৰ জৰিয়তে আকৌ এবাৰ সুন্দৰকৈ প্ৰমাণিত হ’ল।
এই বৃক্ষৰোপণ অভিযানত প্ৰধানকৈ আম, আমলখি, নিম আৰু জলপাই আদি বিভিন্ন থলুৱা প্ৰজাতিৰ গছপুলি ৰোপণ কৰা হয়। এই কাৰ্যসূচী কেৱল গছপুলি ৰোৱাতেই সীমাবদ্ধ নহয়, বৰঞ্চ এখন সুস্থ, সুৰক্ষিত আৰু সেউজীয়া সমাজ গঢ়ি তোলাৰ ই এক দীৰ্ঘম্যাদী প্ৰচেষ্টা। এই গছপুলিবোৰে ডাঙৰ হৈ ভৱিষ্যতে আমাৰ বায়ু পৰিষ্কাৰ কৰিব, মাটি আৰু ভূগৰ্ভস্থ পানীৰ স্বাস্থ্য ৰক্ষা কৰিব আৰু জীৱ-জন্তুৰ বাবে এক সুৰক্ষিত পৰিৱেশ গঢ়ি তুলিব। ইয়াৰ লগতে স্থানীয় ৰাইজে এই গছবোৰৰ পৰা ফল আৰু ছাঁৰ এক স্থায়ী উৎস লাভ কৰিব। সাধাৰণ ৰাইজৰ মাজত পৰিৱেশ সুৰক্ষাৰ বিষয়ে সজাগতা সৃষ্টি কৰাটোও এই অনুষ্ঠানৰ এটা অন্যতম প্ৰধান উদ্দেশ্য আছিল।
ধৰিত্ৰী দিৱসৰ এই পদক্ষেপে কেইৰ্ণৰ পৰিৱেশ, সমাজ আৰু সু-শাসনৰ প্ৰতি থকা দায়িত্ববোধক স্পষ্টকৈ দাঙি ধৰিছে। ইয়াৰ উপৰিও, কোম্পানীটোৱে পানী সংৰক্ষণৰ ক্ষেত্ৰতো এক ডাঙৰ সফলতা অৰ্জন কৰিছে। তেওঁলোকে ১.১৮ নেট ৱাটাৰ পজিটিভ ইমপেক্ট সূচক লাভ কৰাৰ কথা প্ৰকাশ কৰিছে, যিয়ে পানীৰ সঠিক ব্যৱস্থাপনাৰ প্ৰতি তেওঁলোকৰ দৃঢ় প্ৰতিশ্ৰুতিক প্ৰতিফলিত কৰে। এনেবোৰ জনকল্যাণমূলক আৰু পৰিৱেশ-অনুকূল কামৰ জৰিয়তে কেইৰ্ণ অইল এণ্ড গেছে স্থানীয় ৰাইজৰ সৈতে লগ হৈ ভাৰতৰ শক্তিৰ প্ৰয়োজন পূৰণ কৰাৰ সমান্তৰালকৈ পৰিৱেশ সংৰক্ষণৰ দিশতো এক সুন্দৰ ভাৰসাম্য বজাই ৰাখিবলৈ অহৰহ প্ৰচেষ্টা চলাই গৈছে।
