আজি দুৰপীয়া দিল্লীক কঁপাই যায় এক ভূমিকম্পই।
দিল্লীস্থ ৰাষ্ট্ৰীয় ভূকম্পবিদ্যা কেন্দ্ৰ( NCS)ই জনোৱা মতে ছোনিয়া বিহাৰ আছিল আজিৰ ভূমিকম্পটোৰ অভিকেন্দ্ৰ।
কেন্দ্ৰটোৰ মতে যোৱা ১২ এপ্ৰিলতো উক্ত স্থানতে ৩.৫ প্ৰাৱল্যৰ এক ভূকম্পনৰ উৎপত্তি হৈছিল।
২৮.৭ অক্ষাংশ আৰু ৭৭.২ দ্ৰাঘিমাংশৰ ভূগৰ্ভৰ ৫ কিলোমিটাৰৰ গভীৰত ভূমিকম্পটো উৎপত্তি হোৱা বুলি NCSএ জানিবলৈ দিছে।
আজিৰ ভূমিকম্পটো আছিল ৩.৪ প্ৰাৱল্যৰ।
‘দিল্লীত কেবাটাও স্তৰভংগ আছে। চোহনা, মথুৰা আৰু মহেন্দাৰগড় স্তৰভংগৰ পৰাই ভূমিকম্পটো উৎপত্তি হৈছে।’ NCSৰ ভূকম্পবিধ এ পি পাণ্ডেই কয়।
ভূমিকম্পটো কম প্ৰাৱল্যৰ হ’লেও চুবুৰীয়া ৰাজ্য হাৰিয়ানাতো ইয়াৰ কম্পন অনভূত হয়।
দেশজুৰি অব্যাহত থকা ল’কডাউনৰ সময়ত উৎপত্তি হোৱা ভূমিকম্পটোত অৱেশ্য ক্ষয়-ক্ষতিৰ খবৰ অহা নাই।