এটা নহয়, দুটা নহয় ৯ টা সন্তানৰ পিতৃ টুইটাৰৰ মালিক তথা বিশ্বৰ এগৰাকী ধনী ব্যক্তি ইলন মাস্ক। শেহতীয়াকৈ আদালতৰ তথ্যই এই কথা পোহৰলৈ আনিছে।
তথ্য অনুসৰি ইলন মাস্কে ২০২১ চনত তেওঁৰ কৃত্ৰিম বুদ্ধিমত্তা কোম্পানী নিউৰালিংকৰ এজন শীৰ্ষ কাৰ্যবাহী শিৱন জিলিছৰ সৈতে সম্পৰ্ক স্থাপন কৰাৰ ফলত দুটা সন্তানৰ পিতৃ হৈছিল।
পৃথিৱীৰ আটাইতকৈ ধনী ব্যক্তিজনৰ এতিয়া নটা জ্ঞাত সন্তান আছে, যাৰ ভিতৰত আছে তেওঁৰ প্ৰথম পত্নী জাষ্টিন মাস্কৰ সৈতে পাঁচটা সন্তান, আৰু গায়ক ক্লেয়াৰ বাউচাৰৰ সৈতে দুটা। শেহতীয়াকৈ প্ৰকাশিততথ্য অনুসৰি ইলন মাস্ক আৰু জিলিছে তেওঁলোকৰ যমজ সন্তানৰ নাম সলনি কৰিবলৈ আৰু তেওঁলোকৰ মাকৰ অন্তিম নামটো তেওঁলোকৰ মাজৰ নামত অন্তৰ্ভূক্ত কৰিবলৈ আদালতত আবেদন দাখিল কৰিছিল।
আবেদনখন দাখিল কৰা হৈছিল টেক্সাছত, য’ত সন্তান দুটাৰ জন্ম হৈছিল। খবৰ অনুসৰি জিলিছে ২০২১ চনৰ নৱেম্বৰত সন্তান জন্ম দিছিল, মাস্ক আৰু বাউচাৰে চাৰোগেটৰ জৰিয়তে তেওঁলোকৰ দ্বিতীয় সন্তান জন্ম দিয়াৰ কেইসপ্তাহমান আগতে। ৩৬ বছৰীয়া জিলিছৰ জন্ম কানাডাত হৈছিল আৰু আইবিএমত কাম কৰাৰ আগতে ইয়েলত অৰ্থনীতি আৰু দৰ্শন বিষয়ত অধ্যয়ন কৰিছিল আৰু পিছত ব্লুমবাৰ্গ বেটাত অধ্যয়ন কৰিছিল।
তেওঁৰ লিংকডইনৰ মতে, জিলিছে মাস্কৰ নিউৰোটেকন’লজী ফাৰ্ম নিউৰালিংকত সঞ্চালন আৰু বিশেষ প্ৰকল্পৰ সঞ্চালক হিচাপে কাম কৰিছিল। তেওঁ ২০২২ চনৰ মে’ মাহত তেওঁ কোম্পানীটোত যোগদান কৰিছিল। জিলিছৰ সৈতে সম্পৰ্ক স্থাপন কৰাৰ ফলতে মাস্কৰ দুটা সন্তানৰ জন্ম হৈছিল।
ইয়াকে লৈ মাস্কৰ মুঠ সন্তানৰ সংখ্যা হৈছে গৈ ৯ টা। উল্লেখ্য শেহতীয়াকৈ ৪৪ বিলিয়ন ডলাৰত মাস্কে টুইটাৰ ক্ৰয় কৰিছে। অতীততো মাস্কে জন্মৰ হাৰ বৃদ্ধি কৰাত উদগনি দিছিল, যদি মানুহৰ অধিক সন্তান নাথাকে তেন্তে “সভ্যতা ভাঙি পৰিব” বুলি তেওঁ কৈছিল।
