Elvis Ali Hazarika becomes the first Assamese অসমৰ এগৰাকী সাঁতোৰবিদ এলভিছ আলী হাজৰিকাই নৰ্থ চেনেল সাঁতুৰি পাৰ হোৱা প্ৰথম গৰাকী অসমীয়া হিচাপে পৰিগণিত হৈছে।
নৰ্থ চেনেল হৈছে উত্তৰ আয়াৰলেণ্ডৰ উত্তৰ-পূব আৰু স্কটলেণ্ডৰ দক্ষিণ-পশ্চিম ভাগৰ মাজৰ প্ৰণালী।
ই আইৰিছ সাগৰ সমাপ্ত হোৱা আইল অফ মেনৰ উত্তৰে আৰম্ভ হৈছে আৰু উত্তৰ-পশ্চিম দিশেৰে বৈ আটলাণ্টিক মহাসাগৰত পৰিছে।
“উত্তৰ আয়াৰলেণ্ডৰ পৰা স্কটলেণ্ডলৈ সাঁতুৰি উত্তৰ চেনেল সফলতাৰে অতিক্ৰম কৰা মই প্ৰথম গৰাকী অসমীয়া হৈ পৰিছো। আমি বহুতো প্ৰত্যাহ্বানৰ মাজেৰে যাব লগা হৈছিল। বিশেষকৈ আমাৰ লগত গোটেই পথত থকা বিশাল জেলিফিছৰ বাবে!” কৃতিত্ব অৰ্জন কৰাৰ পিছত এলভিছ আলী হাজৰিকাই এইদৰে কয়।
নৰ্থ চেনেল সাঁতুৰি পাৰ হোৱা এলভিছ আলী হাজৰিকা হৈছে ভাৰতৰ আটাইতকৈ বয়সীয়া সাঁতোৰবিদ হৈ পৰিল।
এলভিছ আলী হাজাৰিকাই কয়, “আমি নৰ্থ চেনেল অতিক্ৰম কৰা প্ৰথম এছিয়ান ৰিলে দল আৰু নৰ্থ চেনেল অতিক্ৰম কৰা মই ভাৰতৰ প্ৰথমগৰাকী বয়স্ক সাঁতোৰবিদ।”
এলভিছ আৰু তেওঁৰ দলটোৱে এই কৃতিত্ব অৰ্জন কৰিবলৈ ১৪ ঘণ্টা ৩৮ মিনিট সময় লৈছিল।
লগতে পঢ়ক: Chhello Show: অস্কাৰৰ দৌৰত গুজৰাটী চলচ্চিত্ৰ ‘চেল্লো শ্বো’; আঁতৰিল ‘কাশ্মীৰ ফাইলছ’, ‘আৰআৰআৰ’
এলভিছ আলী হাজৰিকাই কয়, “সকলো ভাৰতীয় আৰু অসমবাসীৰ বাবে এটা সপোন সঁচা হ’ল আৰু ই এক গৌৰৱপূৰ্ণ মুহূৰ্ত।‘’
নৰ্থ চেনেল পাৰ হোৱাৰ পিছত অসমৰ এলভিছ আলী হাজৰিকাই ভাৰতীয় ত্ৰিৰংগা আৰু ‘জয় আই অসম’ লিখা এখন ‘গামোচা’ৰ সৈতে ফটো উঠে।
