২৩১ গৰাকী যাত্ৰী আৰু ১০ গৰাকী বিমান কৰ্মীকলৈ উৰা মাৰিছিল বিমান খনে।
আকাশমাগৰ্ৰ ১৫০০০ ফুট উচ্চতাত বিমান খনে উৰি থকাৰ সময়তে ঘটি গ’ল এটা অঘটন।
বিমানৰ ডেউকাত হঠাতে জুই লাগিল। লগে লগে যাত্ৰীসকলৰ মাজত সৃষ্টি হ’ল হাহাকাৰ পৰিস্থিতিৰ।
ডেউকাত জুই লগা বিমান খনৰ পৰা লাহে দুই এটা অংশ তললৈ খহি পৰিবলৈ আৰম্ভ কৰিছিল।
চকুৰ সন্মুখতে মৃত্যুক দেখি বাকৰুদ্ধ হৈ পৰিছিল যাত্ৰীসকল। বিমান খনৰ পাইলটে তলৰ নিয়ন্ত্ৰণ কক্ষলৈ পঠিয়াইছিল বিপদত পৰাৰ সংকেত।
শিহৰণকাৰী এই ঘটনাটো সংঘটিত হৈছে আমেৰিকাৰ দেনভাৰত।শনিবাৰে দেনভাৰৰ বিমান বন্দৰৰ পৰা হাৱাই অভিমুখে উৰা মৰাৰ ক্ষন্তেক সময়ৰ পিছতে ব’য়িং ৭৭৭ UA328 বিমান খনৰ ডেউকাত জুই লাগে।
ফলত ডেউকাৰ কেইবাটাও অংশ খহি পৰে ব্ৰুমফিল্ড নামৰ অঞ্চলটোৰ জনবহুল ঠাইত।
বিমান খনৰ পাইলটে অসীম ধৈৰ্য আৰু সাসৰ পৰিচয় দি ডেউকাত জুই লগা অৱস্থাতে বিমান খন পুনৰ দেনভাৰ বিমান বন্দৰলৈ ওভতাই আনি জৰুৰী অৱতৰণ কৰোৱাবলৈ সক্ষম।
ফলত নিশ্চিত মৃত্যুৰ পৰা ৰক্ষা পৰে ২৩১ গৰাকী যাত্ৰীসহ ১০ গৰাকী বিমান কৰ্মীৰ।
বিমান খনৰ বহু কেইগৰাকী যাত্ৰীয়ে নিজৰ অভিজ্ঞতা বৰ্ণনা কৰি কয় যে তেওঁলোকে যে জীয়াই থাকিব সেয়া তেতিয়া ভাবিবই পৰা নাছিল।
ডেউকাত লগা জুইৰ উত্তাপ সকলো যাত্ৰীয়ে অনুভৱ কৰিছিল বুলি যাত্ৰী কেইগৰাকীয়ে কয়।
MORE VIDEO from United Flight 328
Flight took off around 12:49pm.
Landed 40 minutes later
Courtesy: Troy Lewis #9news pic.twitter.com/bh4g2hEhJ3
— Chris Vanderveen (@chrisvanderveen) February 20, 2021
ডেউকাত জুই লগাৰ পিছতো যাত্ৰীসকলৰ জীৱন ৰক্ষা পৰাটো কেৱল নেদেখা জনৰ কৃপাতহে সম্ভৱ হৈছে বুলি বহুতে মন্তব্য কৰিছে।
ইয়াকে কয় ৰাখে হৰি মাৰে কোনে…?
