কয়লা খননৰ বাবে জাৰ্মানীত চলিছে বন ধ্বংসৰ যজ্ঞ। এই কয়লা খনি সমূহৰ বিৰুদ্ধে সোচ্চাৰ হৈ উঠিছে বিশ্বৰ পৰিৱেশকৰ্মী সকল। পশ্চিম কলন চহৰত কয়লা খনি বন্ধ কৰাৰ বিৰুদ্ধে পৰিৱেশবিদৰ কেইবাটাও দলে নতুনকৈ প্ৰতিবাদ আৰম্ভ কৰিছে। জাৰ্মানীৰ স্থানীয় প্ৰশাসনে এই প্ৰতিবাদ বন্ধ কৰিবৰ বাবে হাতত লৈছে কঠোৰ পন্থা।
ছুইডেনৰ জলবায়ু কৰ্মী গ্ৰেটা থানবাৰ্গে ১৪ জানুৱাৰীত জাৰ্মানীৰ কয়লা খনন বিৰোধী আন্দোলনত অংশগ্ৰহণৰ বাবে কেইবাখনো পৰিত্যক্ত গাঁওখন ভ্ৰমণ কৰিছিল। তেওঁ কয় যে জাৰ্মান চৰকাৰলৈ মোৰ আহ্বান যে ইয়াত যি ঘটি আছে সেয়া তৎক্ষণাত বন্ধ কৰক। বন ধ্বংসলীলা বন্ধ কৰক আৰু সকলোৰে বাবে এটা সুস্থ প্ৰাকৃতিক পৰিৱেশৰ সৃষ্টি কৰক।
মঙলবাৰে ছ’চিয়েল মিডিয়াত ভাইৰেল হৈ পৰা এটা ভিডিঅ’ত দেখা গৈছে যে জাৰ্মান আৰক্ষীয়ে গ্ৰেটা থানবাৰ্গক কয়লাৰ প্ৰতিবাদৰ পৰা আটক কৰি লৈ গৈছে।
চলিত সপ্তাহৰ আৰম্ভণিৰ পৰা শতাধিক আৰক্ষীয়ে প্ৰতিবাদকাৰীসকলক আটক কৰি প্ৰতিবাদস্থলী খালী কৰাৰ বাবে চেষ্টা কৰি আহিছে। তেওঁলোকৰ প্ৰতিবাদী কাৰ্যালয় বা কেম্পসমূহ ভাঙি দিয়া হৈছে। তথাপিও ২০ৰ পৰা ৪০জন জলবায়ু কৰ্মী বিভিন্ন কৌশলেৰে তাতেই আছে।
পশ্চিম জাৰ্মানীৰ কল’নৰ সমীপৰ লিউটজেৰাথত থকা কয়লা খনিটো বন্ধ কৰিবলৈ দুমাহ ধৰি কেইবাটাও পৰিৱেশ সংগঠনে প্ৰতিবাদ সাব্যস্ত কৰি আহিছে। পৰিৱেশৰ প্ৰতি ভাবুকিস্বৰূপ শক্তিৰ সলনি নবীকৰণযোগ্য শক্তি বিচাৰি উলিয়াবলৈ আৰু ইয়াৰ উৎপাদনৰ কৰাৰ দাবীত এই প্ৰতিবাদ চলি আছে।
উল্লেখ্য যে প্ৰকল্প উন্নয়ন সংস্থাৰ প্ৰতিনিধিয়ে জনোৱা মতে লুইচেৰাথ খনিৰ পৰা কমেও ১১ কোটি টন কয়লা উৎপাদন কৰিব পৰা যাব । অৱশ্যে জাৰ্মানী এতিয়াও বিশ্বৰ শীৰ্ষ ১৫ খন কয়লা উৎপাদনকাৰী দেশৰ ভিতৰত আছে।
সেয়েহে পেৰিছত চুক্তিবদ্ধ হোৱা পৰিৱেশ সুৰক্ষাৰ উদ্দেশ্য পূৰণৰ বাবে কেন্দ্ৰীয় চৰকাৰে উপযুক্ত ব্যৱস্থা গ্ৰহণ নকৰিলে আন্দোলন তীব্ৰতৰ হ’ব বুলি ঘোষণা কৰিছে প্ৰতিবাদকাৰীসকলে।