শনিবাৰে কংগ্ৰেছ ৱৰ্কিং কমিটিৰ (CWC) এখন বৈঠক অনুষ্ঠিত হৈ যায়।
বৈঠকত দেশৰ ক’ভিড-১৯ পৰিস্থিত সম্পৰ্কে আলোচনা কৰা নাই।
বেঠকৰ শেষত, দলটোৱে দাবী কৰে যে ক’ভিড নিয়ন্ত্ৰণ কৰিব পৰা সকলো ধৰণৰ জীৱনদায়িনী ঔষধ আৰু সামগ্ৰীৰ ক্ষেত্ৰত কেন্দ্ৰীয় চৰকাৰে জিএছটি বাতিল কৰিব লাগে।
তদুপৰি, ক’ভিড-১৯ ভেকচিনৰ ক্ষেত্ৰতো দলটোৱে দাবী উত্থাপন কৰে।
দলটোৱে দাবী কৰে যে দেশৰ যুৱকসকলকো ভেকচিন প্ৰদান কৰিব লাগে।
এইক্ষেত্ৰত ভেকচিন গ্ৰহণৰ বয়স ২৫লৈকে কমাব লাগে বুলি দলটোৱে কয়।
উল্লেখযোগ্য যে কেন্দ্ৰীয় চৰকাৰৰ নিয়মাৱলীমতে, কেৱল ৪৫ বছৰৰ ঊৰ্ধৰ লোকসকলকহে ভেকচিন গ্ৰহণ কৰিব পাৰিব।
বৈঠকৰ আৰম্ভণিতে কংগ্ৰেছৰ কাৰ্যকৰী সভাপতি সোনীয়া গান্ধীয়ে অভিযোগ কৰে ক’ভিড ভেকচিনৰ ক্ষেত্ৰত কেন্দ্ৰই বিজেপি শাসিত ৰাজ্যসমূহত অধিক প্ৰাধান্য প্ৰদান কৰিছে।
তেওঁ লকডাউনৰ ফলত যিসকল দৰিদ্ৰ লোক ক্ষতিগ্ৰস্ত হৈছে, তেওঁলোকক চৰকাৰে চকু দিবলৈ দাবী কৰে।
তদুপৰি কেন্দ্ৰীয় চৰকাৰে ক’ভিড-১৯ৰ দ্বিতীয় ঢৌ নিয়ন্ত্ৰণৰ ক্ষেত্ৰত সম্পূৰ্ণভাৱে অপ্ৰস্তুত বুলিও অভিযোগ।
এইক্ষেত্ৰত কেন্দ্ৰীয় চৰকাৰ ব্যৰ্থ বুলি তেওঁ কয়।
আনহাতে, কেন্দ্ৰীয় চৰকাৰে ক’ভিড-১৯ ভেকচিন আন দেশলৈ ৰাপ্তানী কৰিবলৈ সিদ্ধান্ত লোৱা কাৰ্যক ”ফোপজহী উদাৰতা” বুলি ছোনীয়া গান্ধীয়ে কটাক্ষ কৰে।
তেওঁ কয় যে যিসময়ত দেশত হাজাৰ হাজাৰ লোক ক’ভিডত আক্ৰান্ত হৈ মৃত্যুমুখত পৰিছে আৰু ভেকচিনৰ অনাটন হৈছে, সেই সময়ত কেন্দ্ৰীয় চৰকাৰে ভেকচিন ৰাপ্তানী কৰি আন দেশসমূহক নিজৰ উদাৰতাৰ ফোপজহ মাৰিছে।
তদুপৰি, লকডাউনে জুৰুলা কৰা দেশৰ দুৰ্বল শ্ৰেণীৰ লোকসকলক মাহিলী আৰ্থিক সকাহ আৰু ৬,০০০ টকাৰ ক্ষতিপূৰণ জনাবলৈও কংগ্ৰেছ দলে কেন্দ্ৰৰ আগত দাবী কৰে।
