যোৰহাট ষ্টেট বেংকৰ কৰ্মী নয়ন জ্যোতি শৰ্মাই সোমবাৰে তেওঁৰ গাড়ীখনৰ পঞ্জীয়নৰ ফাইলটো বিচাৰি জিলা পৰিবহণ বিষয়াৰ কাৰ্যালয়ত উপস্থিত হোৱাত এক ভয়ানক অভিজ্ঞতা লাভ কৰিলে। জাপ জাপ কাগজৰ দ’মৰ মাজত শৰ্মাৰ ফাইলটো বিচাৰি নোপোৱাত তেওঁক এসপ্তাহৰ পাছত আহিবলৈ কোৱা হৈছিল।
শৰ্মাই তেওঁৰ অভিজ্ঞতা সন্দৰ্ভত এইদৰে কৈছে, মোৰ গাড়ীখনৰ পঞ্জীয়ন পাঁচ বছৰৰ বাবে কৰা আছিলআৰু মই ইয়াক ১০ ভচৰৰ বাবে বৃদ্ধি কৰাৰ সিদ্ধান্ত লৈছিলোঁ। আৱেদনপত্ৰ জমা দিয়াৰ পাছত আৱেদনপত্ৰ গ্ৰহণ কৰা ভদ্ৰ মহিলাগৰাকীয়ে মোক ষ্টোৰৰ পৰা মোৰ আগতীয়া পঞ্জীয়ন ফাইলটো সংগ্ৰহ কৰাৰ বাবে কৈছিল।
কিন্তু ফাইলটো দ’ম দ’ম কাগজৰ মাজত বিচাৰি পোৱাটো দুঃসাধ্য আছিল। শৰ্মাই কৈছে যে তেওঁ তেওঁৰ গাড়ীখনৰ পঞ্জীয়নৰ ম্যাদ বৃদ্ধি কৰিবলৈ ব্যৰ্থ হোৱা বাবে আৰু এসপ্তাহলৈকে তেওঁৰ গাড়ীখন ব্যৱহাৰ কৰিব নোৱাৰিব।
‘’যোৰহাট জিলা পৰিবহণ বিষয়াৰ কাৰ্যালয়ত ফাইল ৰখাৰ কোনো নিয়ম-মাফিক ব্যৱস্থা নাই। ফাইলসমূহ ষ্টোৰৰূমৰ উপৰিও মজিয়া, বাৰাণ্ডা সকলোতে সিঁচৰতি কৰি থোৱা আছে। ইয়াৰ অধিকাংশই উৱঁলি গৈছে।‘’ শৰ্মাই কয়।
শৰ্মাই আৰু কয়, উৱঁলি যোৱা, ধূলিময় কাগজৰ দ’মৰ পৰা যিকোনো এটা ফাইল বিচাৰি উলিয়াব পৰা গৰাকী অত্যন্ত ভাগ্যৱান।
এই ঘটনাত হতচকিত হৈ মই যোৰহাটৰ জিলা পৰিবহণ বিষয়াৰ কাৰ্যালয়ত পৰি থকা ফাইলসমূহৰ ফটো ফেচবুকত আপলোড কৰিছো। এই সন্দৰ্ভত যোৰহাটৰ সাংসদ কামাখ্যা প্ৰসাদ তাছাই ব্যৱস্থা গ্ৰহণ কৰিব বুলি মন্তব্য কৰিছে।
সাংসদগৰাকীক ধন্যবাদ জনাই শৰ্মাই শৰ্মাই তেওঁক অনুৰোধ কৰিছে যাতে তেওঁৰ বাহনখনৰ পঞ্জীয়নৰ ফাইলটো বিচাৰি উলিয়াবলৈ জিলা পৰিবহণ কাৰ্যালয়ৰ কৰ্মচাৰীসকলক আদেশ দিয়ে।
‘ষ্টোৰ কীপাৰ গৰাকীলৈ মোৰ দুখ লাগিছে। মই তেওঁক সহায় কৰিবলৈ বিচাৰিছিলোঁ কিন্তু সমগ্ৰ সময়খিনি ধূলিৰ ডাঠ তৰপৰ মাজত আমি কাঁহি আৰু হাচিয়াই আছিলোঁ।‘ তেওঁ কয়।
এই ডিজিটেল যুগত আজি পৰিবহণ বিষয়াৰ কাৰ্যালয়ৰ ফাইল যেনেদৰে ৰখা হৈছে সেয়া সঁচাই লজ্জাজনক। যদিহে কৰ্মচাৰীসকলে ফাইলসমূহ ডিজটেল ফৰ্মেটত আপলোড কৰিবলৈ সময় নাপায়, তেন্তে তেওঁলোকে ব্যক্তিগত এজেঞ্চিক কামটো কৰাৰ বাবে আউটছোৰ্চ কৰিব লাগে বুলি শৰ্মাই পৰামৰ্শ দিয়ে।
এটা সপ্তাহৰ ভিতৰতে নিজৰ ফাইলটো বিচাৰি পোৱাৰ আশাত এতিয়ালৈকে শৰমাই জিলা পৰিবহণ বিষয়া নাইবা উপায়ুক্তৰ ওচৰত অভিযোগ কৰা নাই।
উল্লেখ্য যে নৰ্থ ইষ্ট নাওৰ পৰা বহু বাৰ চেষ্টা কৰাৰ পাছতো জিলা পৰিবহণ বিষয়া নৰেশ্বৰ লহকৰৰ পৰা কোনো মন্তব্য পোৱা নগ’ল।
