হাইলাকান্দি জিলাৰ আলগাপুৰ ৰাজহ চক্ৰৰ অন্তৰ্গত বক্ৰিহোৱাৰ অষ্টম পাৰ্টত বৃহস্পতিবাৰে নিশা ভয়ংকৰ অগ্নিকাণ্ড সংঘটিত হয়।
জানিব পৰা মতে নিশা ১২.৩০ মান বজাত সংঘটিত হোৱা ভয়ংকৰ অগ্নিকাণ্ডটোত আব্দুল মালিক, আব্দুৰ ৰাচিদ আৰু ফুছান আলিৰ নামৰ লোক তিনিজনৰ বাসগৃহ সম্পূৰ্ণৰূপে জুইত জাহ যায়।
অগ্নিকাণ্ডটোত বাসগৃহ তিনিটা সম্পূৰ্ণৰূপে ক্ষতিগ্ৰস্ত হোৱাৰ বাহিৰে অন্য কোনো ধৰণৰ ক্ষয়-ক্ষতি হোৱা নাই বুলি জানিব পৰা গৈছে।
আনহাতে বুধবাৰে নিশাও এক ভয়ংকৰ অগ্নিকাণ্ড সংঘটিত হৈছিল হাইলাকান্দি জিলাৰে আলগাপুৰ ৰাজহ চক্ৰৰ অন্তৰ্গত জানেকী বজাৰত। নিশা প্ৰায় ৩ মান বজাত হঠাৎ সংঘটিত অগ্নিকাণ্ডত বজাৰৰ চাৰিটা গৃহ সম্পূৰ্ণৰূপে ধ্বংস হয়।
ইফালে কিদৰে বজাৰ গৃহত এই ভয়ংকৰ অগ্নিকাণ্ড সংঘটিত হ’বলৈ পালে আৰু অগ্নিকাণ্ডটোত কিমান সা-সামগ্ৰী তথা টকাৰ লোকচান হৈছে সেয়া এতিয়াও জানিব পৰা হোৱা নাই।
আনহাতে দুৰ্যোগ প্ৰশমন বিভাগৰ বিষয়া ঘটনাস্থলত উপস্থিত হৈ ইতিমধ্যে তদন্ত আৰম্ভ কৰা বুলি জানিব পৰা গৈছে।
